Actualitats
Una bomba a esclatat davant lo sèti del PS a Carcassona
De tags fan pensar que s’agís d’una accion dels vinhairons
Una sedença del Partit Socialista (PS) de França a Carcassona sofriguèt de damatges grèus après l’explosion d’una bomba. La sigla del comitat d’accion viticòla (CAV) e lo nom del ministre de l’Agricultura, Stéphane Le Foll, èran escriches amb d’aerosòl sus la faciada.
“Compreni pas una tala actitud e una tala manifestacion amb aquela violéncia, amb una bomba”, çò declarèt Le Foll, mentre que mostrava son “engatjament per la viticultura”.
Segon lo primièr secretari del PS, Benoît Hamon, s’agís d’un “atemptat” e d’un acte “irresponsable, coard e criminal”.
Lo president del sindicat dels vinhairons del departament d’Aude, Frédéric Rouanet, declarèt qu’el “apròva pas aquel tipe d’accion” mas que compren plan “l’inquietud e la colèra que ganhan los vinhairons”.
Eiretièrs dels Comitats de Salut Viticòla creats en 1905, pendent la Revòlta dels Vinhairons, los CAV son d’organizacions clandestinas de vinhairons que comencèron d’agir dins los ans 1960 en Lengadòc per los interèsses dels productors locals.
“Compreni pas una tala actitud e una tala manifestacion amb aquela violéncia, amb una bomba”, çò declarèt Le Foll, mentre que mostrava son “engatjament per la viticultura”.
Segon lo primièr secretari del PS, Benoît Hamon, s’agís d’un “atemptat” e d’un acte “irresponsable, coard e criminal”.
Lo president del sindicat dels vinhairons del departament d’Aude, Frédéric Rouanet, declarèt qu’el “apròva pas aquel tipe d’accion” mas que compren plan “l’inquietud e la colèra que ganhan los vinhairons”.
Eiretièrs dels Comitats de Salut Viticòla creats en 1905, pendent la Revòlta dels Vinhairons, los CAV son d’organizacions clandestinas de vinhairons que comencèron d’agir dins los ans 1960 en Lengadòc per los interèsses dels productors locals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Le Foll declara : “Compreni pas una tala actitud e una tala manifestacion amb aquela violéncia, amb una bomba”. E pr'aquò, l'explicacion es de las simplassas ! Los socialistas son pas mai socialistas, e dempuèi bèla pausa ! Alara, d'unes ne testimònian amb bombas.
D'autres, coma ieu, li respondràn : "E nosautres, ciutadan ministre, comprenèm pas una tala actitud e una tala manifestacion amb aquela violiéncia, amb lo manten e lo renformtiment de las politicas austeritàrias sarkosianas de dreita plan durassa, e lo manten del mesprètz per las minoritats linguisticas de la part d'un govèrn pretendut socialista, e qu'una amjoritat esquerrista dels pòbles de l'exagòn aviá plaçat al poder per la representar e la defendre. Perqué una violéncia aital contra la democracia mai elementària ?
Lo que lo vent semena se recòlta l'aurassa !
"Sabèm plan que sus d'autras rotas, marchan los del Menerbés, Carcassés e Corbièras totas : Sèm los comandos de la nuèit" Claudi Marti
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari