L’Assemblada de Corsega comencèt ièr una sesilha extraordinària per debatre lo rapòrt "Autonomia" qu’establís las grandas linhas de sa proposicion d’un estatut d’autonomia dins la Republica Francesa. Lo document demanda que Corsega siá dotada de capacitats legislativas e que sa singularitat siá inscricha dins la Constitucion francesa en aprofechant l’emendament que lo president francés, Emmanuel Macron, vòl far aprovar en 2024. Es previst que Macron diga quicòm sus aqueste afar dins son discors del 14 de julhet.

La draia que Simeoni defend per obténer l’autonomia legislativa es que s’aponda a la Constitucion un nòu títol exclusiu per Corsega, coma se passa a l'ora d'ara amb d’autres territòris coma la Nòva Caledònia. A l'ora d'ara, Corsega a una autonomia executiva, mas non pòt pas aprovar de leis.

Los tèrmes concrets d’aquela autonomia, totun, deuràn èsser la tòca d’una negociacion —que se prevei complicada— entre los representants còrses e franceses. I a discordància en d’aspèctes clau, coma la creacion d’un ciutadanatge còrs o la cooficialitat de la lenga còrsa.

Gilles Simeoni : "Tout ce qui ne relève pas des compétences régaliennes a vocation à relever des compétences de la Collectivité de Corse"

➡https://t.co/MtTJtpuFyBpic.twitter.com/a74mE5cNEL

— France 3 Corse (@FTViaStella) July 4, 2023