Lo procuraire de Marselha met en examen la mòrt d’un òme de 27 ans a causa, probable, d’una bala LDB de la polícia, çò que lor dison flashballs. Segon lo ministèri public marselhés, la mòrt de l’òme dins la nuèch del dissabte 1r al dimenge 2 de julhet seriá deguda a un “truc violent al nivèl del torax causat pel tir d’un projectil detipe flashball”. Segon l’esposa de la victima, l’òme preniá de fòtos mas participava pas a las violéncias dels darrièrs jorns.

“Aquela nuèch, i aviá de susmautas e de faches coma de sacatges dins l’airal, sens que foguèsse possible de determinar se la victima i aviá participat o quitament s’aviá pogut circular per aquela zòna", çò explica lo procuraire.

D’armas subletalas

Las balas de defensa (LBD) o flashballs, son entre los projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas e an ja provocat de nafraduras fòrça grèvas coma de pèrdas d’uèlhs. La reglamentacion internacionala las classifica coma “d’armas de guèrra” e lo Conselh d’Euròpa demanda a França que ne suspenda l’usatge. Son tanplan criticadas per l’ÒNU, e tanben l’Observatòri de las Practicas Policièras reclama la supression d’aquelas municions e d’autras “armas subletalas”.

Entre 2018 e 2019, durant lo movement social dels Gilets Jaunes, una seissantena de personas foguèron grèvament nafradas per aquelas municions, que pòdon aténher 360 km/h. Mai de dètz an perdut un uèlh.

Mohamed, mort à Marseille d’un tir de LBD était en train de filmer la police quand il a été touché.
Il a été tué car il filmait la répression policière mais certains parlent déjà de lui comme ayant participé au sois disant «pillage».#JusticePourMohamedpic.twitter.com/yW1elCGMg7

— Professor Yass 🚩 (@professor_yass) July 5, 2023

Situation un peu lunaire, cité Air-Bel à #Marseille, d’où doit partir une marche blanche en mémoire de Mohamed, décédé en marge des #emeutes. L’appel a circulé sur les réseaux. Les cousins de Mohamed, Khaled et Lahcen, expliquent que la famille n’en n’est pas à l’origine… pic.twitter.com/WeVaWVrgFw

— Alexandre Vella (@Vella_ale) July 6, 2023