Actualitats
Sud-Ouest elimina sa tribuna “Parlam gascon” après 25 ans d’edicion
Desenant, i aurà pas nada preséncia de la lenga del país dins lo jornal, que pretèxta de rasons de moneda
Tèxte legit
Lo jornal Sud-Ouest a mes lo ponch final a la rubrica setmanièra en occitan. Après 25 ans d’edicion, la tribuna escricha en gascon per Joan-Jacmes Fénié —gran collaborador de Jornalet— es suprimida.
Lo quotidian a dich a Fénié que la rubrica es eliminada “per de rasons de moneda”. Totun, s’agís d’una cronica sospagada que sa supression portarà pas de grands estalvis a l’editor. “Que precisi qu'ua cronica Parlam gascon es pagada a 20 èuros; per la preparar qu'i passi cada còp aumens 3 bonas òras...”, çò precisa Fénié.
Dins la darrièra cronica de Parlam Gascon, publicada lo 3 de julhet passat, la redaccion anóncia, en francés, qu’es ben la darrièra: “ Après vint e cinc ans dens la nosta edicion de Lanas, aquera rubrica deu 3 de julhet de 2023 que serà la darrèra qui publicaram. Mes la cultura gascona que demorarà tostemps plan viva dens las colomnas de Sud-Ouest”. Se’n precisa pas mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Mes la cultura gascona que demorarà tostemps plan viva dens las colomnas de Sud-Ouest totun qu'ei pregadad'anar-s her fotre en quauque lòc mes". Non son pas racistas, mas de negres e d'arabis, non ne vòlon cap mai ? Non son pas racistas, mas los Josieus son pregats de s'anar passejar en tèrra d'Israèl ? Non son pas xenofòbs, mas los occitans (de Gasconha aquí) son pregats de se calar, de disparéisser sense far cagar degun e d'anar esciure endacòm mai, ont voldràn, entre eles, qu'òm non los i vejam pas mai ? Cal apelar PUBLICAMENT a sabotar aquel jornal e denonciar PUBLICAMENT son autracisme e son engatjament discriminatòri, en brac, son racisme linguistic ordinari ! Cal apelar un gat un gat.
Ma cronica trimestrala bilingüa occitan-francés dins 47mag (publicacion del Conselh departamental 47) m'es pagada 152 € per 1550 signes ponctuacion compresa dins cada lenga+ una illustracion.
Cal apelar PUBLICAMENT a sabotar aquel jornal e denonciar PUBLICAMENT son autracisme e son engatjament discriminatòri.
En Òut e Garona, Le Petit Bleu dAgen publica una Cronica occitana setmanièra pagada 8€ la cronica anuèit !!!
(Informacion seguente de verificar pus precisament per çò que tòca lo pretz pagat al responsable de la cronica)
Lo jornal del conselh departamental d'Òut e Garona, " le 47 ", a tanben desempuèi qualques annadas, un rubrica bilingüa corteta tenguda per Jean-pierre Hilaire que li seriá pagada a l'entorn de 200€ la cronica... Parucion trimestrala, cresi
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari