Lo 5 de julhet passat, se tenguèt a l’Ostal de Region a Tolosa una jornada entitolada “Desvolopem l’ensenhament de las lengas de França”, doncas sul desvolopament e l'ensenhament de las lengas de l’estat francés e sus cossí far aplicar la lei de proteccion e promocion de las lengas dichas regionalas, çò es la Lei Molac. En collaboracion amb Ràdio Occitània, Jornalet prepausa cada dimenge un àudio del podcast de la ràdio tolosana. Aquesta setmana, retrobam lo reportatge de Clamenç Pech a prepaus d’aquela jornada.

Lo 5 de julhet a l’Ostal de Region de Tolosa, s’agissiá de chifrar e de debatre sul desvolopament de las lengas dichas regionalas. Pendent tota la jornada, se succediguèron d’intervenents divèrses que presentèron las solucions ja aplicadas o d’aplicar dins aquela mira.