Lo comitat de bacin Léger-Bretanha, dich “Parlament local de l'aiga” a aprovat per 137 vòtes e una abstencion una mocion que convida a una “pausa” de las òbras de construccion de 14 polemicas megarestancas d’aiga (megabacinas, segon la terminologia francesa) dont la de Sainte-Soline en Peitau.

Aquel “Parlament local de l’aiga” —qu'amassa 190 actors dont l’estat, de collectivitats localas, de sectors economics e agricòlas e d’associacions— exigís sustot que “cada projècte de retenguda de substitucion siá acompanhat d'engatjaments individuals e collectius, preses pels esplechaires agricòlas irrigants, favorables a la transicion agroecologica, amb obligacion de resultat”. Val a dire que la creacion de megarestancas es pas escartada mas deuràn èsser acompanhadas de mesuras ecologicas, çò rapòrta Reporterre.

La mocion adoptada es pas constrenhenta mas marca una virada dins aquel dorsièr, convidant al dialòg entre agricultors irrigants, estat e ecologistas. Una delegacion contunharà la mediacion fins a novembre mentre que se demanda una pausa de la bastison de 14 projèctes.