Lo govèrn de França a enebit la venda,  la possession e lo transpòrt de material de fuòcs d’artifici fins al dissabte 15 de julhet, en seguida de las protèstas provocadas pel murtre de Nahel. L’enebicion s’estend pas als professionals ni a las comunas qu’organizan de fuòcs d’artifici per las celebracions de la Fèsta nacionala de França, ont los desfilats militars e los fuòcs d’artifici son los eveniments mai remarcables.

Los materials d’aquel tipe foguèron emplegats pendent las susmautas qu’esclatèron après qu’un policièr aguèt tuat amb un tir al pitre un jove de 17 ans dins la banlèga de París lo 27 de junh passat ans durant un contraròtle de trafec estradièr.

A causa de las protèstas e susmautas que ne foguèron la consequéncia, la polícia detenguèt mai de 3700 personas, dont almens 1160 menors.