Actualitats
Lo Parlament Europèu a salvat del pel la lei de proteccion de la natura
Cèrca d’investir per evitar la pèrda de la biodiversitat en reabilitant de zònas terrèstras e marinas d’Euròpa. Lo tèxt es fòrça criticat per la drecha e l’extrèma drecha
Tèxte legit
Lo Parlament Europèu a acceptat de contunhar lo procès per aviar una lei cruciala e qu’a suscitat fòrça polemica aquestes darrièrs meses: la lei de restauracion de la natura, qu’es pensada per protegir la biodiversitat. Dimècres de matin, la sesilha plenièra d’Estrasborg arribèt d’evitar del pel la censura totala depausada pel Partit Popular Europèu de 312 vòtes en favor e 324 contra. Dins lo vòte final, la lei foguèt aprovada per 336 vòtes en favor e 324 contra. Aquel resultat legitima de contunhar lo procès de la lei e de negociar amb lo Conselh de l’Union Europèa.
La lei de restauracion de la natura es cruciala pr’amor que cèrca d’investir per evitar la pèrda de la biodiversitat en reabilitant de zònas terrèstras e marinas d’Euròpa. Lo tèxt es fòrça criticat per la drecha e l’extrèma drecha.
L’abséncia dels deputats independentistas catalans exiliats e perseguits per la justícia espanhòla Carles Puigdemont e Toni Comín, qu’èran per l’aprobacion de la lei, faguèt riscar la mala capitada. Dins aquel sens, eles avián mandat una letra als deputats per los avertir que lo retirament de l’immunitat los empedissiá de se gandir a Estrasborg e que lors dos vòtes podián èsser necites per far reüssir lo vòte. Tanben François Alfonsi intervenguèt per denonciar l’abséncia dels deputats catalans e alertèt l’assemblada en disent que la democracia europèa èra “atencha”.
De son latz, lo Partit Popular Europèu planguèt lo resultat del vòte en crenhant qu’aguèsse “de consequéncias socialas e economicas importantas”.
✅ Yes! We pushed back EPP’s boycott of the #NatureRestorationLaw ✊
— S&D Group (@TheProgressives) July 12, 2023
The majority of MEPs have not been deceived by EPP's half-truths. The misleading tactics of Manfred Weber have failed. The 🇪🇺 Parliament must seize this chance to stand up for nature and biodiversity. pic.twitter.com/4XWx34cpzD
L'absència del president @KRLS i el conseller @toni_comin al @Europarl_EN és una violació dels seus drets que pot tenir conseqüències en votacions que es preveuen ajustades de lleis rellevants, com la #NatureRestorationLaw. Així ho recull @POLITICOEurope.https://t.co/Nb9zN0Rotipic.twitter.com/oD5VyKjXmt
— Junts i Lliures per Europa (@JuntsEU) July 11, 2023
Intervention en plénière pour interpeller Présidente @RobertaMetsola sur non-respect immunité parlementaire @KRLS Carles Puigdemont & @toni_comin empêchés de siéger. Démocratie européenne est atteinte. @EFAparty @GreensEFA @RetPS pic.twitter.com/SGMSwNFlmG
— François Alfonsi (@F_Alfonsi) July 10, 2023
We are disappointed with the outcome of the vote on the #NatureRestoration Law, despite the objections and concerns of three Parliamentary Committees.
— EPP Group (@EPPGroup) July 12, 2023
We fear that this law will be counterproductive and have significant social and economic consequences.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari