Actualitats
An liberat Vikernes per manca de pròvas
Lo neonazi, que foguèt arrestat amb sa femna dimars passat en Lemosin, es estat pasmens susvelhat dempuèi mai d’una annada per sa militància xenofòba e las crompas d’armas de sa molhèr
L’activista neonazi norvegian Kristian Vikernes, àlias Varg Vikernes o Burzum, detengut dimars passat en país d’Usercha (Lemosin), e que se suspectèt que preparava un atemptat terrorista, foguèt liberat dijòus de ser per manca de pròvas. Ça que la, Vikernes deurà respondre davant la justícia per incitacion a l’òdi racial, en rason dels escriches sus son blòg.
Vikernes quitèt lo comissariat de Briva escortat per mai d’un motociclista, segon un jornalista de l’AFP qu’èra sus plaça.
Lo ministre francés de l’Interior, Manuel Valls, informèt ja lo meteis dimars que Vikernes aviá pas “ni objectiu ni projècte identificat”, pauc après que lo sieu ministèri avertiguèsse qu’èra a preparar possiblament un atemptat grand.
Lo norvegian èra susvelhat dempuèi mai d’una annada. L’afar aviá pres un torn judiciari amb la dobertura d’una enquèsta preliminara de la seccion antiterrorista del ministèri public de París. Aquela decision se prenguèt tre l’aqueriment d’armas, legal, per Dòna Marie Cachet, sa molhèr, qu’a la ciutadaniá francesa e lo permés d’armas.
A l’escorcolh de dimars los policièrs trobèron cinc armas longas, dont quatre carabinas 22 long rifle.
Lo musician norvegian, que dins son blòg fa l’apologia de sa militància neonazi, foguèt arrestat dins son ostal a Celom (País d’Usercha). Sa femna tanben foguèt arrestada dimars, mas dimècres èra ja mesa en libertat.
Vikernes èra ja estat condemnat en Norvègia a 21 ans de preson per l’assassinat d’un de sos amics. La victima èra Øystein Aarseth, àlias Euronymous, un jove de 23 ans guitarrista del grop Mayhem ont Vikernes aviá collaborat. Vikernes sortiguèt de la càrcer en 2009 après complir 16 ans de pena, e tre 2010 s’installèt en Lemosin.
Vikernes publicava sul ret de messatges racistas e antisemitas. Sus aqueste blòg parla de sa residéncia novèla en Lemosin, amb de deliris d’extrèma drecha. L’ultradrechan foguèt un dels destinataris del manifèst que l’extremista norvegian Anders Behring Breivik difondèt abans de cometre los atemptats sagnoses d’Òslo e Utøya en 2011. Ça que la Vikernes manifestèt de divergéncias amb Breivik.
Vikernes quitèt lo comissariat de Briva escortat per mai d’un motociclista, segon un jornalista de l’AFP qu’èra sus plaça.
Lo ministre francés de l’Interior, Manuel Valls, informèt ja lo meteis dimars que Vikernes aviá pas “ni objectiu ni projècte identificat”, pauc après que lo sieu ministèri avertiguèsse qu’èra a preparar possiblament un atemptat grand.
Lo norvegian èra susvelhat dempuèi mai d’una annada. L’afar aviá pres un torn judiciari amb la dobertura d’una enquèsta preliminara de la seccion antiterrorista del ministèri public de París. Aquela decision se prenguèt tre l’aqueriment d’armas, legal, per Dòna Marie Cachet, sa molhèr, qu’a la ciutadaniá francesa e lo permés d’armas.
A l’escorcolh de dimars los policièrs trobèron cinc armas longas, dont quatre carabinas 22 long rifle.
Lo musician norvegian, que dins son blòg fa l’apologia de sa militància neonazi, foguèt arrestat dins son ostal a Celom (País d’Usercha). Sa femna tanben foguèt arrestada dimars, mas dimècres èra ja mesa en libertat.
Vikernes èra ja estat condemnat en Norvègia a 21 ans de preson per l’assassinat d’un de sos amics. La victima èra Øystein Aarseth, àlias Euronymous, un jove de 23 ans guitarrista del grop Mayhem ont Vikernes aviá collaborat. Vikernes sortiguèt de la càrcer en 2009 après complir 16 ans de pena, e tre 2010 s’installèt en Lemosin.
Vikernes publicava sul ret de messatges racistas e antisemitas. Sus aqueste blòg parla de sa residéncia novèla en Lemosin, amb de deliris d’extrèma drecha. L’ultradrechan foguèt un dels destinataris del manifèst que l’extremista norvegian Anders Behring Breivik difondèt abans de cometre los atemptats sagnoses d’Òslo e Utøya en 2011. Ça que la Vikernes manifestèt de divergéncias amb Breivik.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Brejvik, Merah, quina diferença, diuvivant ? Au mensh dens aqueste ahar que's veid los nostes escotaploja que's dan torn aus extremistas de tot escantilh : los deu creishent o los de la svastiska. Tant de bon.
Los nazilhòts (e malaja la malabèstia qu'ei enqüèra vitèca : be s'ac veid en Ongaria e dens un par de contradas mei) o los barbassuts : que'us mandi los dus tau diable se vòlen, e s'i estripèssin a tira qui pòt !
Los integristas endarrerats qui secutan Amina Sboui e Malala Yousafzai (e los qui comdemnèn Marte Dalelv abans de la "graciar", verd e blu !) que'm hèn hasti mes quant ! se pòt pas díser.
Los uns e los auts qu'an un potenciau de nosença mortau ; que son parats a tubar detzenats de monde e qu'ac an provat. Per tant, dirèctament, n'an pas gran poder contra la societat.
Los partits politicas, au contra…
E los partits qui s'amassan mei de votz a cada eleccion, uei lo dia, pertot en Euròpa, son pas lo Hizbullah nimei la Hadèrna musulmana. Que son los fascistas de noste, pas los de Dubai o de Paquistan. Los nostes braves fascistes desdiabolizats !
felicitacions, avètz una censura eficaça e ultrà-rapida, doncas, preni acte, l'opinion soleta autorizada, ei que vivèm sota la menaça neo-nazi, la bèstia infama -que serià pas estada morta e enterrada despuei 1945 e lei fanatics islamistas que se fan sautar cade jorn ambe una bomba pèr tuar lo mai possible d'infidèus e d'eretics e d'inocents son un produch de mon imaginacion dau tèmps que la realitat de nostra epoca sarià aquela ponhada de neo-nazis calucs e isolats e fichats que s'agitan encara...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari