Es mòrta a 76 ans l’actritz e cantadora Jane Birkin. Venguèt coneguda dins lo Mond entièr per l’interpretacion de la cançon cançon “Je t’aime, moi non plus” (T’aimi, ieu tanpauc). Aquesta cançon, qu’interpretèt en 1968 amb son calinhaire Serge Gainsbourg, portava una carga erotica inedita per la musica de l’epòca, çò que menèt Birkin a venir un mite mondial pendent totes los ans 1970.

Pasmens, Birkin desvolopèt tanben una intensa carrièra dins lo cinèma e lo teatre, e es coneguda per aver donat son nom a una populara saca de man d’Hermès. Foguèt la protagonista de filmes coma La Piscine, amb Alain Delon e Romy Schneider, Dom Juan 73 o La Fille prodigue.

Nascuda a Londres en 1946, anèt viure en França a la fin dels ans 1960. Après un primièr maridatge amb lo compositor John Barry, amb lo qual aguèt una filha, Kate, que moriguèt en 2013. Puèi coneguèt Serge Gainsbourg e de sa relacion amb el nasquèt en 1971 l’actritz e cantadora Charlotte Gainsbourg.