Las autoritats d’Iran anoncièron dimenge passat que tornarián desplegar la “polícia de la morala” en una nòva campanha per contrarotlar la tenguda de las femnas, dont l’usatge del “hijab”, dètz meses après la mòrt de la jove curda Mahsa Amini quand èra detenguda per aver portat un cairat islamic mal mes.

Lo pòrtavotz de la polícia iraniana, Said Montazeralmahdi, declarèt pendent aquela jornada que los agents d’aquel còrs tornarián prene las verbalizacions e arrestacions de las femnas non veladas en public, e soslinhèt que la decision èra estada presa après las “demandas del pòble e de las institucions” per “espandir la seguretat publica” e “refortir la basa de la familha”.