La policia bèlga a fachas sièis prequisicions restacadas a de faches de subornacion pagada per Qatar e Marròc a qualques membres del Parlament Europèu. Demest los luòcs enregistrats se tròba lo domicili de l’eurodeputada socialista bèlga Maria Arena, restacada anteriorament a un dels principals prevenguts. I a pas agut de detencions, e la procuraira federala donarà pas mai de detalhs per protegir l’enquista. Lo jutge instructor es pas pus encargat de l’afar a causa d’un possible conflicte d’interèsses, pr’amor que lo filh del magistrat e lo de l’eurodeputada partejavan una entrepresa. L’èx-vicepresidenta del Parlament Europèu, Eva Kailí, faguèt una telefonada a l’eurodeputada bèlga quand escorcolhavan son ostal e detenián son calinhaire.