Lo sit berberista Tamazgha.fr denóncia la corrupcion, l’arbitrari e la violéncia de l’estat argerian “dempuèi sa creacion en 1962”. Dins un comunicat, soslinha que los defensors de l’amazighitat, en particular dins la region de Cabilia, son especialament la buta d’un regim que cèrca de los far calar per d’arrestacions massissas e d’acusacions infondadas. La repression sagnosa de 2001-2002 e l’assassinat de Lwennas Meɛṭub en 1998 “an mostrada la brutalitat del regim”.

Los metòdes policièrs son criticats, mas tanplan lo silenci e la complicitat de qualques mitans cabils.

Lo comunicat crida a la liberacion dels presonièrs politics e a la fin de l’opression exercida pel govèrn argerian, qu’es acusat de pilhar las riquesas del país per finançar sas accions repressivas. Fin finala, lança una crida per que Cabilia recobre sa dignitat e sas valors ancestralas.