Un grop de femnas afganas manifestèt dimècres passat a Kabol contra lo barrament de totes los salons de beutat d’Afganistan. Lo govèrn dels talibans a decidit de tampar aquela sòrta d’establiments e lor a donats un relambi d’un mes per abenar l’estòc de produches. Las manifestantas èran indignadas pr’amor qu’aquela decision las daissarà sens aquel espaci d’amassada e d’evasion de la repression talibanista.

Malgrat la repression, las manifestantas se quilhèron contra lo govèrn islamista integrista que faguèt dissòlver la manifestacion amb de canons d’aiga en tirant de balas realas dins l’aire. La mission de las Nacions Unidas en Afganistan (MANUA) condemnèt la violéncia dels talibans e defendèt lo drech del pòble a exprimir son vejaire.

Lo Ministèri de Prevencion del Vici e de Promocion de la Vertut justifica lo barrament dels salons de beutat, en invocant d’arguments religioses e economics.

A group of women come out on the streets of Kabul today to protest against the Taliban’s closure of all beauty salons in Afghanistan.

The women chanted "bread, work, justice". The Taliban used water cannons & gunshots disperse the protesters. pic.twitter.com/BsJ7oXuKGW

— Shabnam Nasimi (@NasimiShabnam) July 19, 2023

Taliban’s Ban on Beauty Salons a Blow to Afghan Women, say Activists@VOANews#afghanwomenpic.twitter.com/X8F6DGSm7H

— Farkhunda Paimani /فرخنده پیمانی (@FPaimani) July 15, 2023