Actualitats
Malàisia: an cancellat un festenal per un poton omosexual
Lo grop anglés The 1975 protestèt amb un poton contra las leis omofòbas de Malàisia
Tèxte legit
Lo festenal de musica Good Vibes de Kuala Lumpur (Malàisia) se cancellèt dissabte passat après que lo cantador de la banda anglesa The 1975 critiquèsses sus l’empont las leis LGBT-fobicas en vigor en aquel país e, en seguida, se faguèsse un poton amb un dels musicians.
“Planhem prigondament anonciar que la rèsta del programa del Good Vibes Festival 2023 (GVF2023), previst per uèi e deman, es estat anullat en seguida de la conducha controvertida e los comentaris faches per l’artista britanic Matty Healy, de la banda The 1975″, çò diguèt l’organizacion de l’eveniment dins un comunicat oficial. Segon aquel comunicat, l’eveniment es cancellat en aplicacion de “la directiva d’anullacion immediata” prevista pel Ministèri de la Comunicacion e del Numeric qu’establís una “posicion fèrma contra tot lo qu’escometa, ridiculize o contravenga las leis de Malàisia”
Pendent son concèrt, lo cantador de The 1975 critiquèt la legislacion malàia, que prevei de multas economicas e quitament de penas de preson pels “actes omosexuals”. “Vesi pas la rason de convidar The 1975 e nos dire après amb qui podèm aver de relacions sexualas”, çò diguèt Healy.
Lo musician expliquèt qu’avián perpensat s’anullavan lor concèt, mas qu’o faguèron pas per non decebre pas los afogats de la banda. A mai, diguèt qu'èra “fotudament embestiat” abans de quitar l’empont. “Aquò es pas just per vosautres, perque sètz pas los representants de vòstre govèrn. Vosautres sètz joves e soi segur que qualques unes sètz omosexuals e progressistas”, çò diguèt lo cantaire.
ummm? The 1975 just got banned from kl💀 pic.twitter.com/Sxsyp8MJV3
— melanie⁷ 🫧 (@vanillarumsboat) July 21, 2023
">src="//www.instagram.com/embed.js">script>
I'm a Queer Malaysian. I know nothing about the 1975 nor Matty Healy, so here are my unbiased thoughts about the whole issue that happened at GVF (a thread) pic.twitter.com/Wick5SbGUd
— Fish (@MercuryJax) July 21, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari