Lo risc de fuòcs de bòsques es afortit pels vents fòrts dempuèi dimars al departament de las Bocas de Ròse (País Marselhés, lo sud del País d’Ais, Crau e la màger part de Camarga).

En vigilància roja, “las condicions meteorologicas tornan lo risc de partença e de propagacion de fuòcs de bòsques e de vegetacion plan naut comparativament a las normalas estivencas”, çò precisa Metèo França.

“Las Bocas de Ròse e mai generalament totes los departaments de la zòna mediterranèa son concernits per una situacion de vents fòrts, amb lo cèrç e lo mistral”, çò a soslinhat lo coronèl Jean-Luc Beccari, director del servici d’incendi e de socorses (SDIS) de las Bocas de Ròse.

De massises enebits d’accès

Aquela alèrta roja arriba mentre que Grècia lucha contra d’incendis tragics subretot sus l’illa toristica de Ròdes. Es la primièra enregistrada dempuèi qu’es estada mesa en plaça la metèo dels bòsques per Météo France.

Lo departament del sud-èst d’Occitània èra ja plaçat en vigilància iranja (risc naut) diluns per Metèo França. Dimars, los departaments vesins de Vauclusa e Var seràn egalament classats en irange.

Dempuèi la debuta de l’estiu, plusors massisses de Provença son ja estats enebits d’accès per las prefecturas per fin d’evitar tota partença de fuòc. Nòu fuòcs sus dètz son d’origina umana e principalament a causa d’imprudéncias, çò ramenta Metèo França.

Cal notar que las plan toristicas calancas entre Marselha e Cassís son tanben interdichas d’accès. La vesita en batèl d’aquelas calancas demòra ça que la possibla, sens desbarcament.

Feux de forêt : les Bouches-du-Rhône en alerte rouge ce mardi, une première pic.twitter.com/zGci3ph6L8

— BFM Marseille Provence (@BFMMarseille) July 24, 2023

Les soldats du feu des Bouches-du-Rhône sont en alerte ! 🚒 pic.twitter.com/glruv0RkKd

— TFX (@tfx) July 24, 2023

LIVE: Wildfires on Greek island of Rhodes https://t.co/ZU8kTa7aNI

— Reuters (@Reuters) July 25, 2023