Lo parlament d’Israèl aprovèt diluns una mesura per limitar la capacitat de la Cort Suprèma per abolir las accions del govèrn, una iniciativa desirada per l’extrèma drecha. La decision foguèt presa malgrat las protèstas massissas que se tenon dempuèi qualques meses, al despièch de la condemnacion internacionala e de cridas a la moderacion dels caps entrepresarials e militars per cercar un consens dins una societat prigondament devesida.

Lo primièr ministre, Benjamin Netanyahu, que ven de sortir de l’espital après una intervencion del còr, demorèt silenciós pendent lo vòte parlamentari, malgrat los crits de mesprètz que recebèt. La coalicion del cap del govèrn, formada de partits de drecha, conservators religioses e ultranacionalistas, mantenguèt una postura ferma e obtenguèt l’aprobacion de la mesura amb un vòte de 64 a 0, après que los membres de l’oposicion aguèron quitada la cambra en protèsta.

Aquel cambiament legislatiu representa una victòria iniciala pel govèrn, pr’amor qu’afeblís lo poder judiciari d’Israèl e li lèva una part de la capacitat de revisar las decisions del govèrn. La lucha per contrarotlar lo poder judiciari a creada una prigonda division dins lo país dempuèi que lo nòu govèrn de Netanyahu assumiguèt lo poder a la fin de decembre. La mesura l’a egalament criticada lo president dels Estats Units, Joe Biden.

L’esfòrç per afeblir lo poder judicial es estat impulsat per de partits d’extrèma drecha e ultraortodòxes que vòlon impausar lo conservatisme religiós dins los espacis publics e las politicas governamentalas. D’autre caire, los liberals, concentrats dins los centres tecnologics e culturals del país, veson aquela mesura coma una avançada cap a una autocracia e quitament una teocracia, ont los caps religioses poirián dictar lor volontat a la populacion.

Las consequéncias d’aquela decision son estadas immediatas, amb de manifestacions massissas per carrièras, d’avertiments de boicòt dels reservistas militars e de paurs per l’avenir economic del país, amb la fugida de fonzes e investiments. La situacion en Israèl contunha d’èsser tibada e lo malcontentament popular aumenta davant aquel movement per limitar lo poder de la Cort Suprèma.

Israel is preparing for mass demonstrations tonight before the vote on judicial reform on Monday.

A march that left on Tuesday evening to connect Tel Aviv to Jerusalem (70 km) now brings together thousands of demonstrators. pic.twitter.com/y4l2wujpPd

— Robert Simpson (@RobertS28049870) July 23, 2023

Per als partits ultraortodoxos i d’extrema dreta que van proporcionar a Netanyahu la majoria al parlament, els tribunals han estat una barrera a l’aspiració d’imposar el conservadorisme religiós en els espais públics i les polítiques governamentals.https://t.co/ZE7vTAmroF

— VilaWeb (@VilaWeb) July 25, 2023

Israel’s major Hebrew daily newspapers all painted in black today. pic.twitter.com/KxC5h3g3FU

— Lidar Gravé-Lazi (@LidarGL) July 25, 2023

🇮🇱 Protests continue against Netanyahu regime.#ISRAEL#PROTEST#VIDEOpic.twitter.com/3cqZPtG9xD

— Nitesh rathore (@niteshr813) July 25, 2023