Dissabte, 22 de julhet, 6000 curds de tota Euròpa s’amassèron a Lausana, al lac Leman, e montèron fins a la Plaça Riponne, ont se situa lo palais de Rumine, dins lo qual foguèt signat lo Tractat de Lausana. Dimenge, alestiguèron una declaracion legida diluns, 24 de julhet, cent ans après la signatura: “Curdistan rebuta lo Tractat de Lausana”. La declaracion demanda l’anullacion del tractat, e dins aquela tòca sollicita que se faga servir lo nom “Curdistan” per las tèrras curdas dintre Turquia, Siria e Iran. Una comission d’expèrts serà constituida per seguir lo compliment de las tòcas d’aquela declaracion. La Conferéncia de Lausana crida l’ÒNU a la constitucion d’un ofici per representar Curdistan.

Lo tractat de Lausana de 1923

Lo Tractat de Lausana de 1923 es un tractat de patz que remplaça lo Tractat de Sèvres signat tres ans abans, que metiá fin a la Guèrra Granda del ponch de vista de l'Empèri Otoman. Lo Tractat de Lausana es lo darrièr tractat consecutiu a la Primièra Guèrra Mondiala. Precisa las frontièras de la Turquia sortida de l'Empèri Otoman, reconeis la legitimitat del regim d'Atatürk mentre que los Aliats renóncian a demandar l'independéncia, ni mai l'autonomia, de Curdistan e d'Armenia, previstas dins lo Tractat de Sèvres.

✍️ Le Traité de Lausanne, cent ans après
D’Athènes à Erbil, en passant par Erevan, «Le Temps» a voyagé chez ceux qui se disent «sacrifiés» par le fameux Traité marquant la naissance de la #Turquie actuelle... et la défaite des minorités🧵1/5 @luislemahttps://t.co/9pAXjrbfSV

— Le Temps (@LeTemps) July 24, 2023

🗞️ Traité de Lausanne, 100 ans après – Interview avec Murat Karayılan

"La France a récemment présenté ses excuses à l’Algérie. Aujourd’hui, elle devrait également s’excuser auprès du Kurdistan."https://t.co/sSv19qbMyRpic.twitter.com/Lz904AZhwO

— Serhildan (@reseauserhildan) July 24, 2023