capçalera campanha

Actualitats

Los tiquets de caissa en papièr abolits a partir del 1r d’agost dins l’estat francés

Se calcula que se talharà 25 milions d’arbres de mens e que s’estalviarà 18 miliards de litres d’aiga per an

Los tiquets en papièr abolits a partir del 1r d’agòst dins l’estat frances
Los tiquets en papièr abolits a partir del 1r d’agòst dins l’estat frances | Cheng-en Cheng

Tèxte legit

França abolirà l’autrejament de tiquets de caissa en papièr a comptar del 1r d’agost per reduire lo curum. La ministra delegada del comèrci, Olivia Grégoire, a anonciada la mesura, que s’èra remesa dos còps a causa de la nauta inflacion. Coma qualques unes considèran lo tiquet coma un esplech util per la gestion del budget familial, lo govèrn permetrà als consumaires que lo desirarián de lo sollicitar explicitament. Qualques establiments coma los restaurants o las ostalariás e de servicis coma las perrucariás contunharàn d’estampar un tiquet quand serà de besonh. La mesura cèrca d’estalviar 150 000 tonas de papièr per an, e de demesir l’impacte environamental. Se calcula que gràcias a l’abolicion dels tiquets se talharà 25 milions d’arbres de mens e que s’estalviarà 18 miliards de litres d’aiga per an.

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris


I a pas cap de comentari

Escriu un comentari sus aqueste article