Actualitats
La 36a amassada occitanocatalana del Pòrt de Salau se tendrà dimenge que ven
S’agís d’un eveniment montanhòl d’amistat e de revendicacion nacionala dels dos pòbles vesins qu’i participan, de costuma, aperaquí quatre cents personas
Dimenge que ven, 6 d'agost, coma cada an e pel 36n còp, de centenats d’occitans e catalans s’amassaràn al pòrt de Salau, a la termièra occitanocatalana, en Coseran, a 2100 mètres d’altitud. Los participants pojaràn del costat occitan de Salau estant (Coseran), en tot marchar doas oras e mièja, e del costat catalan d’Esterri d’Àneu estant (Palhars Sobeiran) en tot caminar aperaquí 45 minutas. L’amassada es organizada pel CAÒC e per l’ASPIC, coma una escorreguda d’amistat e de revendicacion nacionala dels dos pòbles vesins.
Un còp al pòrt, i faràn d’actes d’afrairament amb un escambi de produches dels dos costats: de formatge, de vin, de liquors amb de ratafiat, de galetas, de chocolat, de carnsalada, etc. Tanben s’ farà de danças tradicionalas al son dels musicians pirenencs, occitans e catalans. A mai, auràn luòc, coma d’abitud, los discorses de benvenguda, las cançons e los imnes mentre que seràn issadas las doas bandièras.
L’emplaçament d’aquel pòrt es simbolic: es un camin natural entre Occitània e Catalonha qu’a servit istoricament per far de comèrci e per connectar los dos pòbles. Pendent la Guèrra d’Espanha, de milièrs de republicans i passèron sul camin de l’exili. De costuma, los occitans i pòrtan lo formatge del temps que los catalans venon amb lo vin.
Tanben de costuma i participan de musicians e d’elegits dels dos costats del “calhau”, e se revendica la cultura comuna occitanocatalana e las relacions transfrontalièras que deurián ligar los païses de Palhars e Coseran.
La velha
En mai d’aquò, la velha, lo dissabte 5 d’agost a 18h, se tendrà a l’Ecomusèu d’Esterri d’Àneu (Catalonha) una conferéncia sul 20n anniversari del pargue natural dels Pirenèus, e a 21h30 i aurà un balèti amb Els Banduolers.
Mai d’informacions sul sit del CAÒC.
El 🗓️ 6 d'agost 2023 toca la
— Lo Xic de Feliciano ⭑X (@lionelpla) July 20, 2023
𝐏𝐔𝐉𝐀𝐃𝐀 𝐀𝐋 𝐏𝐎𝐑𝐓 𝐃𝐄 𝐒𝐀𝐋𝐀𝐔 #pallarssobirà
Una oportunitat reivindicativa de l’amistat Catalano-Occitana. pic.twitter.com/l1eiqFmvnJ
❓Tens plans pel cap de setmana del 5 i 6 d'agost?
— CAOC (@CAOC_) July 21, 2023
☝️Tenim una proposta que inclou cultura, natura, excursionisme, música tradicional i balls occitans.
🫰Vine amb nosaltres a Salau!🧳Sortida des de Bcn amb autocar, allotjament, activitats i bona companyia. Tot assegurat! 😊 pic.twitter.com/GEMaHxNs4B
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari