De cercaires de l’Institut barcelonés de las Sciéncias de la Mar, après analisar de donadas satellitaras de l’observatòri europèu Copernicus, anoncièron que, diluns 24 de julhet, la mar Mediterranèa aviá atencha sa temperatura mejana jornadièra mai nauta jamai enregistrada: 28,71°C. Lo recòrd anterior, de 28,25°C, èra del 23 d’agost de 2003, çò rapòrta Reporterre.

La pojada de la temperatura es estada significativa, pr’amor que la temperatura mejana de la superfícia de Mediterranèa a passat de 23 a 28°C dempuèi la fin de junh, çò que chepica los expèrts. Las pojadas de temperatura arribavan generalament en fin d’agost, mas ara se manifèstan mai d’ora.

Lo fenomèn va delà la Mediterranèa, perque lo 44% de la superfícia oceanica globala experimenta una èrsa de calor marina. Aquelas èrsas de calor marina venon de mai en mai intensas, frequentas e esperlongadas a causa del cambiament climatic e an d’efèctes devastaires suls ecosistèmas marins, en causant la mortalitat massissas de divèrsas espècias de peissum, d’esponjas, d’algas e de molusques.

La situacion suscita un grèu chepic a prepaus de la repercussion del cambiament climatic suls oceans e met en valor l’importància de prene de mesuras per protegir aqueles ecosistèmas vulnerables.

🌡️🌊 La Méditerranée a atteint hier un record de température moyenne de l'eau à la surface : 28,71 ºC, indique l’Institut des sciences de la mer (ICM) de Barcelone à l'AFP.

Le précédent record (depuis au moins 1982), 28,25 °C, datait du 23 août 2003.

1/2 pic.twitter.com/jyeZG1mW0v

— Nicolas Berrod (@nicolasberrod) July 25, 2023