Actualitats
L’FDF, un grop paramilitar que presica la lucha armada e los assassinats xenofòbs
Mlactu a publicat un reportatge sus aquel grop ultranacionalista francés criminal, que s’amaga de mens en mens
Mlactua fach un reportatge sus l’FDF, lo Front de Defensa de França, una organizacion xenofòba pas pro coneguda qu’aurà son amassada près de Montpelhièr a la fin d’abril. Segon lo jornal numeric occitan d’expression francesa, s’agís de decebuts del Front Nacional que presican la lucha armada e los murtres racistas.
Se definisson coma “d’òmes e de femnas prèstes al combat”, devon jurar: “[juri] d’èsser un soldat brave e fidèl, prèst a far lo sacrifici de ma vida per França”. Se presentan coma d’ancians del Servici d’Accion Civica (SAC), un grop d’èx-militars e èx-policièrs a la retirada que multiplican las referéncias neonazis. Son completament paramilitars, amb d’unifòrmes, de gras, una estructura… Lo movement es dirigit per Marceau Allouis, e son cap nacional onorari es l’èx-cantaire Robert Dufay, conegut coma Jerry Rock o André Mickaël.
Emplegan la demagogia coma se pòt remarcar dins una version de La Marselhesa ont lo cantaire ditz: “Se te dison «bica ta maire», te cal barrar la boca. Mas se tu dises «fot-me lo camp brut arabi», ès condemnable. I compreni pas res. Ont es la justícia dins aqueste país? Las racalhas destruson nòstras glèisas! Las racalhas envasisson nòstras glèisas” (“Si on te dit «nique ta mère», tu dois fermer ta gueule. Mais toi, si tu dis «casse-toi sale arabe», tu es condamnable. Je n’y comprends rien. Où est la justice dans ce pays? Les racailles détruisent nos églises! Les racailles envahissent nos églises!”)
Encara segon Mlactu, s’agís pas d’un deliri personal sus Internet mas d’un vertadièr grop organizat que presica la lucha armada. Son de mond que s’amagan pas suls rets socials e quitament pas en public. Lors cridas a l’òdi se multiplican, e aquel òdi ven de mai en mai ordinari en Occitània.
En Lengadòc e Provença se multiplican los apèls als assassinats racistas. Segon ActuWiki, recrutan e apèlan a la lucha armada contra aqueles que son pas pro “blancs”.
Se definisson coma “d’òmes e de femnas prèstes al combat”, devon jurar: “[juri] d’èsser un soldat brave e fidèl, prèst a far lo sacrifici de ma vida per França”. Se presentan coma d’ancians del Servici d’Accion Civica (SAC), un grop d’èx-militars e èx-policièrs a la retirada que multiplican las referéncias neonazis. Son completament paramilitars, amb d’unifòrmes, de gras, una estructura… Lo movement es dirigit per Marceau Allouis, e son cap nacional onorari es l’èx-cantaire Robert Dufay, conegut coma Jerry Rock o André Mickaël.
Emplegan la demagogia coma se pòt remarcar dins una version de La Marselhesa ont lo cantaire ditz: “Se te dison «bica ta maire», te cal barrar la boca. Mas se tu dises «fot-me lo camp brut arabi», ès condemnable. I compreni pas res. Ont es la justícia dins aqueste país? Las racalhas destruson nòstras glèisas! Las racalhas envasisson nòstras glèisas” (“Si on te dit «nique ta mère», tu dois fermer ta gueule. Mais toi, si tu dis «casse-toi sale arabe», tu es condamnable. Je n’y comprends rien. Où est la justice dans ce pays? Les racailles détruisent nos églises! Les racailles envahissent nos églises!”)
Encara segon Mlactu, s’agís pas d’un deliri personal sus Internet mas d’un vertadièr grop organizat que presica la lucha armada. Son de mond que s’amagan pas suls rets socials e quitament pas en public. Lors cridas a l’òdi se multiplican, e aquel òdi ven de mai en mai ordinari en Occitània.
En Lengadòc e Provença se multiplican los apèls als assassinats racistas. Segon ActuWiki, recrutan e apèlan a la lucha armada contra aqueles que son pas pro “blancs”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10 E Domergue Sumien que i ei tostemps entà distribuir los bons e los meishants punts. Partprenent deu debat, engatjat en favor deu nacionalisme, e en medish temps moderator autoproclamat deu fòrum, cercatz l'error !
#8 Mosqueas? Bòf, cambiaré pas tròp de las glèisas.... Non, çò d'interessant que seré de hicar redonds a costat de las crotz.
Atau que poderem har au morpion.
#2 Laurenç fa de remarcas senadas e cau arrestar de li far dire çò que ditz pas. Degun a jamai dich "leis occitans son de senèstra e lei francés son de drecha". Un pauc de nuança. Aprenètz de legir...
La reférencia a l'antropològ Emmanuel Todd es fòrça interessanta.
Lor fariá mestièr a d'unes de legir los libres de l'antropològ Emmanuèl Todd. Son d'estudis scientifics que fan tan sofracha a l'occitanisme. Las causas son claras mas son pas presentadas d'un biais bufèc pasmens. Occitània apareis dins fòrça mapas (çò que fa que se definís mai qu'amb sa lenga fin finala). Lo quite mot d'Occitània es escrich maites còps (alara que l'autor es pas membre de la sècta !) . Lo libre novèl d'Emmanuèl Todd se ditz Le mystère français (en collaboracion amb Hervé Le Bras), Le Seuil, març de 2013.
en tot leguir eras arreaccions sus aqueth article, que'm da era gana d'arriser ,eths occitans que seren tots de gaucha e (peace and love), que cau veger eras causas coma cau, er'imigracion massiva qui vié d'africa musulmana,que tua tanben era nosta cultura ,que cau aurir eths ueilhs Eths medias Francès non defenen pas era extrema dreta aquerò qu'ei ua beròia coneria ,mès quasi tots aqueths medias que defenen eth poder socialista, majjoritariment eths departaments dehs sud de França que votan socialista dempuix annadas e annadas e enta que, arren ,arren non cambia .Desempuix mes de mila ans que i a enas nostas montanha crotz e vierjas enta protejar eths òmes eras bestias , non voletz pas aumens que'ara plaça de tot aquerò qu'i aja mosqueas .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari