Actualitats
Los vinhairons lengadocians se quilhan contra la supression del labèl “Sud de France”
Considèran que la decision es una error estrategica, pr’amor qu’an investit plan d’esfòrces per promòure los vins a l’estrange amb aquel labèl
Tèxte legit
Los productors de vin de Lengadòc son chepicats per la desaparicion anonciada del labèl “Sud de France”, çò rapòrta France Bleu. Aquel labèl lo creèt en 2006 Georges Frêche, quand èra alavetz president d’una region sonada Lengadòc-Rosselhon, e aviá per tòca d’identificar los produches de la region, mai que mai los vins AOP e IGP, dins los mercats d’exportacion. Mas ara lo Ministèri de l’Agricultura francés lo vòl eliminar per una question de regulacion. Totun, los productors an pas recebut cap de tèxt que ne justifique la decision.
Los vinhairons considèran d’efièch que la decision es una error estrategica, pr’amor qu’an investit plan d’esfòrces per promòure los vins a l’estrange amb aquel labèl. De son caire, la region nomenada Occitània es a se batre contra aquela decision e estudiarà d’alternativas visualas per identificar e situar la region coma lo màger vinhal del Mond.
Per ara, als vinhairons es encara permés d’emplegar lo labèl “Sud de France” fins a la culhida de 2025.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per ieu, lo Sud de França es Berrin, Borgonha e, eventualament, Santonja e Peitieu…E los que lor agrada los vins los de Sud de França ne me semblan dels plan famoses. Nuit-Saint-Georges, Pommard…
Papieròt del dijòus 3 d'agost : « • Apellacion : Lo govèrn interditz als vins de la Region Occitania de se dire : « Sud de France ». Los vinhairons protèstan, alara qu’es una plan bona novèla : la fin de nòstra dependéncia. »
Es important de gardar nòstra personalitat car es a la basa de nòstra creativitat.
Sem lo tot, un terrien, un français mas sem tanben v-un. Devem pas nos nejar dins lo tot. Devem gardar çò que nos diferencia de l'autre, çò que nos permet d'esser crane de çò que fasam individualament. Aitau, porrem esser crana de nòstra cultuira occitana e laissarem los autres esser cranes de çò que fan.
Quò es pas per l'argent que suppriman lo label. Quò es per far una societat unica, mondiala, ente l'individu seria pus qu'un robòt.
Qu'ò es en copar lo monde que vivian dins los jardin d'Esperides de lòrs raiçs (lo solevar de terra) qu'Hercule reussiguet a s'en emparar.
Gardam totjorn lo liam emben la terra, la cultura, la nòstra. Aitau, sauvegardarem la lenga.
L'argent, totjorn l'argent... e la canha de pensar. Lo mercantilisme rend avugle. Se soscan un pauquet los mercadièrs, vinhairons o autres, los produches nòstres se pòdon passar del labèl "Cuol de França". Se'n pòt trapar un autre. Se cal definir per çò que sèm e pas per rapòrt als autres. Ieu los boicòti los produches estampilhats "Cuol de França".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari