La rota comerciala mai importanta d’Euròpa es menaçada pel cambiament climatic. Segon un rapòrt publicat per Bloomberg, las bassas aigas de Ren son de mai en mai frequentas e obligan las entrepresas a de solucions costosas e encombrantas per manténer las linhas de provesiment dobèrtas.

Lo flume Ren es una via de navigacion cruciala per las economias industrialas avançadas d’Euròpa. Los nivèls d’aiga bassa pendent los meses estivencs fins a la tardor fòrçan las entrepresas de s’adaptar e prene de mesuras per manténer lor activitat. D’entrepresas coma BASF e Covestro son a reorganizar lors operacions logisticas amb de trens, de camions e de naus redessenhadas per navigar sus las aigas pauc prigondas. La reduccion del debit del flume afècta la capacitat de carga dels naviris, e de petits cambiaments en la nautor de l’aiga an un grand impacte sus lor capacitat de transpòrt. Las iniciativas per afrontar aquel problèma comprenon de plans governamentals e de sistèmas d’alèrta precòces, mas los enjòcs politics e burocratics frenan los progrèsses.

Per de grandas societats coma BASF e Thyssenkrupp, Ren es irremplaçable. Ara, aquelas entrepresas son obligadas d’investir dins de solucions costosas per garentir la continuitat de lors operacions.

Podètz legir lo rapòrt en catalan sus Vilaweb gràcias a son acòrdi amb The Washington Post.