Lo collectiu Dètz ven de presentar un reportatge vidèo sul primièr encontre de luchas localas e globalas, dich Resistentas, que se tenguèt sul causse de Larzac el 3 al 6 d’agost.

Aital, lo famós laboratòri audiovisual occitan parla amb de representants de Tèrras de Luchas, de la Conferacion Païsana, dels dalhaires volontaris, de La Mal Coiffée, Mauresca, etc.

De soslinhar que pendent aqueles 4 jorns d’agost, Larzac tornèt trobar los concèrts e espectacles de las amassadas passadas, amb d’obradors, de projeccions-debats, un espaci pels mainatges, de passejadas naturalistas, una ràdio participativa e plan d’autras causas. Foguèron convidats las 577 luchas localas de la carta de Reporterre, mas tanben d’organizacions païsanas, sindicalas, associativas, de movement socials, ecologistas, naturalistas, de juristas, de mèdias e plan d’autres. Dins lo reportatge de Dètz, podèm remarcar que l’occitan èra tanplan present.