Actualitats
Cima d’Amazonia: una declaracion per la protegir sens tòcas precisas
Cèrca d’èsser una “aliança per combatre la desforestacion”, mas daissa cada estat decidir lo biais d’o far sens abordar l’esplecha del petròli
Tèxte legit
Los 8 païses membres de l’Organizacion del Tractat de Cooperacion Amazoniana (OTCA) an signat la Declaracion de Belém durant la Cima d'Amazonia tenguda aquestes dimarts e dimècres en Brasil. Aquela declaracion cèrca de crear una “aliança per combatre la desforestacion” en Amazonia mas sens establir de tòcas especificas, en daissant cada país decidir cossí abordar lo problèma. A mai, la declaracion tracta pas adeqüatament de l’es esplecha del petròli dins la selva, mas solament s’engatja a entamenar un dialòg sus sa sostenibilitat. D’autres engatjaments comprenon la creacion d'un fons per finançar de projèctes de desvolopament duradís e un centre de cooperacion policièra per combatre lo crime.
Lo president de Brasil, Luiz Inácio Lula da Silva, a qualificada la declaracion d’"ambiciosa" e espèra que marcarà un ponch d'inflexion. D’organizacions environamentalistas e indigènas exprimisson de reaccions ambivalentas, en la vesent coma un primièr pas endavant mas sens de responsas concretas. A la reünion participèron 4 caps d'estat dels 8 païses membres, mas i aguè qualques abséncias.
Aquò foguèt la quatrena cima de l’OTCA: la primièra se tenguèt en 1988, la segonda en 1992 e la tresena en 2009, e calguèt esperar 14 ans per la quatrena, que se faguèt gràcias a l’engatjament de Lula da Silva, que tornèt prene la presidéncia de Brasil al començament d’ongan.
🌳 DECLARAÇÃO DE BELÉM
— Camarote da República (@camarotedacpi) August 9, 2023
Primeiro fruto da Cúpula da Amazônia, a Declaração de Belém foi assinada hoje pelos líderes e representantes dos países que possuem esse bioma em seu território.
Entre os pontos promulgados está o fortalecimento do PARLAMAZ, o Parlamento Amazônico. pic.twitter.com/6hN6MnbGTo
Países assinam Declaração de Belém com decisões para preservar a Amazônia. ⤵️ #Repórter Brasil pic.twitter.com/RCCp6X5j1t
— TV Brasil (@TVBrasil) August 8, 2023
A Amazônia não é e não pode ser tratada como um grande depósito de riquezas. Ela é uma incubadora de conhecimentos e tecnologias. Nela podem estar soluções para inúmeros problemas da humanidade, da cura de doenças ao comércio mais sustentável. A floresta nos une.
— Lula (@LulaOficial) August 8, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari