Lo sit del Grelh Roergàs aculhís una nòva version en linha aumentada e actualizada del Diccionari General Occitan de Cantalausa, facha per Miquèl Joffre amb l'autorizacion del nebot de l'autor. Joffre a fach un esfòrç meticulós per manténer l'integritat de l'òbra originala. Lo diccionari se pòt consultar sus dgo.grelhroergas.com, conten de tèrmes occitans amb explicas e definicions, e incorpòra de nòvas intradas tiradas del Diccionari Ortografic e Morfologic de Josiana Ubaud e de precisions addicionalas suls mots.

Per assegurar qu'aquela actualizacion respècte la natura e l'esséncia del diccionari de Cantalausa, l'autor a mantengut lo tèxt original intacte e las addicions recentas se marcan en blau per una identificacion aisida. Demest los melhoraments realizats i a l’apondon de nombrosas intradas del diccionari de Josiana Ubaud, de precisions addicionalas sus de tèrmes e de traduccions en francés fachas per de lexicografes coneguts coma Mistral.

Per son trabalh, Joffre a utilizadas las preconizacions del Conselh de la Lenga Occitana.

De vesitar: dgo.grelhroergas.com,