Aquò s’arrenga pas pels Dracs qu’anèron vistalhar divendres de nuèit, amb una esquipa rejovenida, los avantdarrièrs de Superliga: Salford. Mas los catalans foguèron transparents dins lo primièr temps ont marquèron cap de punt. Trapèron pas las ressorsas per l’emportar e, per arrengar lo tot, acabèron la partida sus una dobertura bèla de la saca de carpans que valdrà a d’unes lo passatge davant la comission de disciplina. Novèla desfacha: 16-12. Los Dracs son totjorn cinquens al classament, mas an una fin de competicion de primièra e se caldrà pas pèrdre en camin (o, puslèu, lo caldrà tornar trapar) per demorar dins los 8 qualificats per las pelhòfas. Rendètz-vos venent: lo dissabte 2 d’agost amb la recepcion de Saint Helens a Brutus.
Aquesta dimenjada, anam pas remenar lo cotèl dins la plaga, mas serà lo temps de las mièjas finalas de la Cup: dissabte a Leigh, Wigan rescontrarà los London Broncos e dimenge, a Huddersfield, Warrington ensajarà de copar lo camin de Wembley als venceires dels Dracs en quart: Hull FC. Dimècres passat, davant 84 000 espectators dins l’estadi bèl, l’ANZ Stadium de Sydney, un còp de mai (la ueitena annada en seguida), l’esquipa de Queensland se ganhèt la tièra 2013 dels Estats d’Origina al tèrme d’una partida sarrada: 12-10 fàcia als Blaus de la Nòva Galas del Sud. Lo president Hollande mandèt un messatge de felicitacion als jogaires de XIII fautuèlh campions del Monde.
Dissabte 13, las francesas n’acabèron amb la competicion mondiala per una novèla desfacha 54-0 fàcia a Anglatèrra dins la partida per la tresena plaça del torneg (aprèp una primièra desfacha 42-6 dins la primièra fasa; ensag marcat per Elisa Ceria). Lo titol de campionas de la planeta tretzista es per las Jillaroos (“estagiàrias vaquièras”) australianas: victòria sus la Nòva Zelanda 22-12.
Saludam la memòria de Marcèl Bescòs, desaparegut aquesta setmana a l’atge de 76 ans. Lo pilar d’Albi (campion en 1962) e de Limós (1963-1966), que fasiá sos dos quintals (100 kg) sus la bassacula, portèt 21 còps lo malhòt de l’esquipa nacionala e ne foguèt lo capitani dins un temps benesit ont França batiá regularament la Grand Bretanha o signava un 8-8 fàcia als Cangorós de las legendas John Raper e Reg Gasnièr (genièr de 1960, a Roana).
Alan Roch
Aquesta dimenjada, anam pas remenar lo cotèl dins la plaga, mas serà lo temps de las mièjas finalas de la Cup: dissabte a Leigh, Wigan rescontrarà los London Broncos e dimenge, a Huddersfield, Warrington ensajarà de copar lo camin de Wembley als venceires dels Dracs en quart: Hull FC. Dimècres passat, davant 84 000 espectators dins l’estadi bèl, l’ANZ Stadium de Sydney, un còp de mai (la ueitena annada en seguida), l’esquipa de Queensland se ganhèt la tièra 2013 dels Estats d’Origina al tèrme d’una partida sarrada: 12-10 fàcia als Blaus de la Nòva Galas del Sud. Lo president Hollande mandèt un messatge de felicitacion als jogaires de XIII fautuèlh campions del Monde.
Dissabte 13, las francesas n’acabèron amb la competicion mondiala per una novèla desfacha 54-0 fàcia a Anglatèrra dins la partida per la tresena plaça del torneg (aprèp una primièra desfacha 42-6 dins la primièra fasa; ensag marcat per Elisa Ceria). Lo titol de campionas de la planeta tretzista es per las Jillaroos (“estagiàrias vaquièras”) australianas: victòria sus la Nòva Zelanda 22-12.
Saludam la memòria de Marcèl Bescòs, desaparegut aquesta setmana a l’atge de 76 ans. Lo pilar d’Albi (campion en 1962) e de Limós (1963-1966), que fasiá sos dos quintals (100 kg) sus la bassacula, portèt 21 còps lo malhòt de l’esquipa nacionala e ne foguèt lo capitani dins un temps benesit ont França batiá regularament la Grand Bretanha o signava un 8-8 fàcia als Cangorós de las legendas John Raper e Reg Gasnièr (genièr de 1960, a Roana).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo capitani Casty a pres una partida de suspension.
Absent contra St-Helens (coma Julian Bosquet que n'acabarà amb una suspension de 3 partidas).
Aquò simplificarà pas las causas !
Precision : Dracs-St Helens es dissabte 3 (tres) d'agost ! (a 18 h)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari