Actualitats
RD Còngo: se rapòrta la pièger crisi de colèra dempuèi 2017
L’aument dels conflictes e los desplaçaments dins la region de l’èst an contribuit a aquesta situacion critica
Tèxte legit
La Republica Democratica de Còngo (RDC) patís la crisi de colèra pus grèva en sièis ans, çò raportèt l’UNICÈF divendres passat dins un comunicat. Pendent los primièrs sèt meses d’ongan se comptèt 230 morts, dont un nombre significatiu d’enfants.
L'aument dels conflictes e los desplaçaments dins la region de l’èst de l’RDC an contribuit a aquesta situacion critica, segon lo comunicat de l'organisme internacional, que dins los primièrs 210 jorns de l’an a enregistrats 31 342 cases suspèctes o confirmats de colèra. Kivu Nòrd es la província mai afectada. Per l’UNICÈF, los desplaçats son la populacion mai vulnerabla a la malautiá e a la mòrt, mai que mai los mainatges.
Los expèrts comparan la situacion actuala amb la crisi de colèra de 2017, quand l’RDC raportèt gaireben 55 000 cases e mai de 1100 mòrts a causa d'aquela malautiá extrèmament contagiosa.
A spike in conflict and displacement in the eastern #DRC is pushing children into the worst cholera crisis since 2017, warns @UNICEF. More than 8,000 children under 5 years infected in North Kivu during first seven months of this year.https://t.co/o51v7fPm8n
— UNICEF Media (@UNICEFmedia) August 18, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que quò es aquela malaudia qu'ausa pas dire son nom?
M'estonaria pas qu'i aja agut una vaccinacion per testar un neu vacin e eschapat a las leis europeenas o americanas.
E l'Unicef, los medias, lo medecins, lo governament dau congo caucionnan la version oficiala?
L'òm creu se battre per la bona causa; l'òm se bat per los merchands de vaccins.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari