Actualitats
Guinèa Equatoriala: detencion de l’activista LGBT Melibea Obono
Gràcias a la pression internacionala, Obono foguèt liberada diluns. Sembla que la punisson pels darrièrs rapòrts que publiquèt sus la situacion del collectiu LGBT+
Tèxte legit
An detengut Melibea Obono, activista pels dreches LGBT+ de la Guinèa Equatoriala. Foguèt arrestada durant la dimenjada passada a Malabo, capitala del país, e menada al Ministèri de la Seguretat de la Guinèa Equatoriala, conegut amb l’escais de “Guantánamo” a causa de sa brutalitat.
Segon lo comunicat de l’associacion umanitària Somos Parte del Mundo (Fasèm Partida del Mond), ont Obono collaborava, l’activista es estada privada de contacte amb sa familha, amb l’associacion e amb son avocat. Lo collectiu se se mostrava inquiet per l’integritat fisica de Melibea Obono. Denonciavan sa detencion coma arbitrària e illegala, e remarcavan que se pòt interpretar coma un puniment pels darrièrs rapòrts que faguèt sus la situacion del collectiu LGBT+ en Guinèa Equatoriala.
Totun, gràcias a la pression internacionala de divèrsas ONG e organismes diplomatics, Obono foguèt liberada diluns.
Un dels libres mai reconeguts de Melibea Obono es Yo no quería ser madre (Ieu voliái pas èsser maire), publicat per Egales en 2019; s’agís d’un testimoniatge dur de la violéncia e de la crudèla repression familiala, sociala e institucionala de las lesbianas e d’autres collectius LGBT+ a l’ora d’ara dins aquela èx-colònia espanhòla.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo catalan modèrn, quand a doas opcions gramaticalas parièras de corrèctas, escuelh totjorn, totjorn, totjorn, la que se sembla mai a l'espanhòl. Pr'amor d'aquò, lo catalan modèrn a pas de sintaxi pròpria.
Per tal d'evitar que passe aquò meteis amb l'occitan, prepausi que, quand i a doas opcions parièras de corrèctas, escuelhèm la que se diferéncia mai del francés e pas la que s'i sembla mai.
Doncas, en luòc d'"an detengut Melibea Obono" prepausi que digam "an detenguda Melebea Obono".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari