Actualitats
Lo pòble guna es en perilh per l’aument del nivèl de la mar
A mai de la pèrda de lors ostals e illas, crenhon de pèrdre lors cultura e lenga unicas
Tèxte legit
Près de 28 000 personas del pòble guna, dins lo parçan de Guna Yala dins l’estat de Panamà, son menaçadas per l’aument del nivèl de la mar e los fenomèns climatics extrèmes que meton en perilh lors illas.
Guna Yala ten una estrecha listra de tèrra de 373 km de longor sus la còsta èst de la mar Cariba e un archipèla de 365 illas davant la còsta, dont 36 son abitadas, per ara.
Un rapòrt de Human Rights Watch critica lo govèrn de Panamà per la lenta planificacion de l’evacuacion dels abitants de las illas sus la zòna continentala.
A mai de la pèrda de lors ostals e illas, la comunitat insulara de guna crenh de pèrdre sas cultura e lenga unicas quand poiràn pas pus demorar sus las illas, çò rapòrta Nationalia. La situacion requerís d’accions urgentas per garentir la subrevivença del pòble e de son identitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari