Uèi serà lo pic del calimàs mai intens de l’estiu que ten de territòris occitans en alèrta. Pel primièr còp s’es decretada l’alèrta roja per calorassa, e tòca l’èst de Guiana, Lengadòc e Daufinat. La rèsta del país es en alèrta iranja, segon Méteo France.

A partir de deman de ser e dissabte devon arribar d’auratges que marcaràn una baissa progressiva de las temperaturas.

La calor extrèma s'acompanha d'una degradacion de la qualitat de l'aire, amb de concentracions nautas d'ozòn sus una partida bèla d’Occitània, mai que mai de l’èst del país, dont qualques departaments son en alèrta de nivèl 2 a causa de la pollucion de l'aire.

La situacion condutz a d'ajustaments dins la vida vidanta, coma d'oraris de trabalh modificats per evitar las oras mai caudas, o encara lo recors a de refugis sosterranhs, coma las caunas, per escapar a la calor. La necessitat d'una responsa de long tèrme a aquelas èrsas de calor es de mai en mai evidenta, amb d'apèls a l'isolacion dels bastiments e a la vegetalizacion de las vilas per afrontar los efièches de l’escalfament climatic.

⚠️ 🌡️#Canicule

Épisode caniculaire sur large partie Sud et Est du pays, à caractère exceptionnel en vallée du Rhône et sur sud du Massif Central du fait de son intensité et sa durée.#23août⤵️
🔴19 départements #VigilanceRouge

👉https://t.co/w5OGXbFc7npic.twitter.com/VsW0NP0ZxP

— Météo-France (@meteofrance) August 22, 2023