Malgrat l'arribada d'un novèl ministre de l'Educacion Nacionala de l’estat francés, Gabriel Attal, las inquietuds persistisson pertocant lo nombre de professors davant las classas a la rintrada escolara en despièch de las mesuras presas per reduire lo deficit d'ensenhaires. L'objectiu de far del mestièr d'ensenhaire una profession atractiva sembla encara luènh d'èsser atench.

Las desparitats se fan tanplan sentir entre los concorses de las diferentas disciplinas. Dins l'ensenhament segondari general, la matèria mai en patiment es l’occitan, ont i a un 100% de manca d’ensenhaires. Ongan, pel primièr còp, i a pas cap de capessian en occitan e las causas se’n pòdon trobar dins las reformas occitanofòbas de l’educacion francesa e dins lo desinterès general pel mestièr d’ensenhaire.

D’autras matèrias confrontadas a una penúria d’ensenhaires son las letras classicas, l’alemand, l’educacion musicala, las matematicas e la fisica-quimia. France Info ne publica un article fòrça complet tot plen d’infografias.