Actualitats
200 milions d’èuros per destruire de vin
Bordalés e Lengadòc son las regions mai tocadas per la subreproduccion e la davalada del consum
Tèxte legit
S’es a mand de destruire en França tant de vin coma per emplir mai de cent piscinas olimpicas, dins una operacion que costarà mai de 200 milions d’èuros, çò rapòrta The Washington Post[1]. Occitània es fòrtament tocada e las regions que devon destruire mai de vin son Bordalés e Lengadòc, segon La Revue du vin de France.
La decision de destruire de vin pòt semblar absurda, mas a de fondaments economics, pr’amor que la produccion de vin a encarit a causa de la guèrra d’Ucraïna e de la diminucion del consum. Per ara, l’excès de vin a de consequéncias e de regions vinicòlas coma la de Bordèu patisson de prèses tròp basses. Segon Le Figaro, los petits productors de vin roge en Bordalés travèrsan una crisi grèva.
En junh passat, l'Union Europèa donèt inicialament 159 milions d’èuros a França que los deviá destinar a destruire tres cents milions de litres de vin. La setmana passada, lo govèrn francés anoncièt encara de fonzes addicionals. Los productors faràn servir aquel argent per destillar lo vin en alcòl pur, que s’emplegarà per de produches de netejatge, de parfums e d’autras tòcas.
Lo ministre de l’agricultura, Marc Fesneau, diguèt divendres als jornalistas que l’argent èra destinat a “evitar l'escrancament dels prèses e a far que los viticultors poguèsson trobar de nòvas sorsas de revenguts”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo dòmeni « La Pèira en Damaisèla » dins l’agre de la region Occitània nasquèc en 2004.
La proprietat s’espandís dins los paisatges salvatges de Larzac. La vinhòble s’espandís sus 11 hectaras los luòcs son « Bois de Pauliau » « belle Fiolle », « les Pointes ».
L’appelacion « terrassa de Larzac es dins lo nòrd d’erau a l’entorn de dos vilatges Montpèiron(1) e Sant Saturnin.
https://www.comptoirdesmillesimes.com/blog/domaine-la-peira-damaisela/
N’en beure es sostener los vinhairons nòstres. demai es un vin de granda qualitat.
I a tanben un Montpeiron dins Puèi-Domat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari