Actualitats
Gabon: còp d’estat après la reeleccion del president Ali Bongo
Los militars justifican lor putsch en pretendent d’empachar una frauda electorala. De fach, totas las victòrias electoralas de Bongo dempuèi 2009 son estadas acusadas de frauda
Tèxte legit
Una dotzena de militars en Gabon anoncièron ièr que l’armada aviá pres lo contraròtle del país en reaccion a la victòria del president Ali Bongo al las eleccions de dissabte passat Los militars justifican lor putsch en pretendent que lo procès electoral complissiá pas las condicions d’un vòte transparent e credible. Los militars denóncian una crisi institucionala, politica, economica e sociala, e un govèrn irresponsable. Lo grop militar, autoproclamat Comitat per la Transicion e la Restauracion de las Institucions (CTRI), a declarat l'anullacion de las eleccions e la dissolucion de las institucions de la Republica, dont lo govèrn, lo Senat e l'Assemblada Nacionala.
Ali Bongo aviá obtengut lo 64,27% dels vòtes, segon la Comission Electorala Nacionala Autonòma e Permanenta (CENAP), mas l'oposicion aviá denonciadas la frauda e l'abséncia d'observaires internacionals del procès electoral. De fach, dempuèi 2009, totas las victòrias electoralas de Bongo, que succediguèt a las longas presidéncias de son pròpri paire Omar Bongo, son estadas acompanhadas de denóncias de frauda. Après las eleccions de dissabte, lo govèrn suspendèt l’accès a Internet jos l’escampa de rasons de seguretat, mas los putschistas n’an restablit l’accès
En 2018, i aguèt ja en Gabon una temptativa de còp d’estat, quand un grop de quatre militars ensagèt de profechar del fach que lo president se remetiá d’un atac cerebral en Marròc. Tres d’aqueles militars foguèron detenguts e condemnats a 15 ans de càrcer.
Ara, lo putsch en Gabon seguís lo còp d’estat de l’armada en Nigèr a la fin de julhet, que veniá lo quatren país de l’Africa occidentala governat per una junta après Mali, Guinèa-Conakri e Burkina Faso ont i aguèt de presas de poder militaras entre 2020 e 2022.
Cau una altra excolònia francesa a l’Àfrica, Gabon 🇬🇦, a mans dels militars. El país ha estat governat els darrers 50 anys per la dictadura de la família Bongo, aliats de França. És un important productor de petroli.
— Josep Lluís Alay (@josepalay) August 30, 2023
Una nova pèrdua de França a l’Àfrica. pic.twitter.com/8Q0DZScEOu
#Gabon
— Elle Vit Belle (She/Her) (@ElvineBelinda) August 30, 2023
The joy of freedom 😅.
Gabonese in the streets showing love and support for our armed forces. pic.twitter.com/Bigah9LXoK
🔴 Voici la carte des luxueuses adresses «mal acquises» du clan Bongo à Paris
— Libération (@libe) August 30, 2023
Les juges français estiment que ces biens sont le fruit de l’argent de la corruption menée au #Gabon par les compagnies pétrolières, dont le français Elf-Total. Lire : https://t.co/zPW5GURiEdpic.twitter.com/nbeHMqbUwX
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
10h46
Eramet e la petrolièra Maurel & Prom tornan prener vam e se son reguilhats !
La produccion a tornat començar per Eramet la produccion n’en fusquèc atancada mentre 24 oras sonque.
Moanda es la mai granda mina de manganès al mond ambe 7,5 milhons de tonas produchas.
Es Setrag filhala Eramet que n'assegura lo trastol per 7,2 milhons de tonas
Maurel & Prom es a 4,386€ en borsa de Paris
Totalenergies Gabon filhala de Totalenergies es a 164€ en borsa de Paris
Totalenergies tranta pas !
Lo Gabon : Fransa i ten lo grop minaire Eramet ambe doas filhalas qu’emplegan devèrs 8000 personas en majoritat Gabonésas.
Avèm atal la filhala Comilog especializada dins l’extraccion del manganès e la filhala Setrag qu’assegura l’expleitacion ferroviari dempuèi lo marage atlantic entrò las minas, passent per la selva eqüatoriala del Gabon. Lo grop minaire Eramet atanca pel moment sas activitats per fin d’aparar le seguretat de son personal.
Aièrc, lo cors de l’accion entà la borsa de Paris a trestimblat de -18%
Lo Gabon ten tanben petrol , (38,5% de son PIB e 70% de sas exportacions) , expleitat per Totalenergies ambe 350 emplegs. Totalenergies i anguèc d’un comuniquat per diser que sa prioritat èra la seguretat de sos emplegats e de las operacions.
Per l’ora se sap pas se la operacions contunhan o pas !
Se cal rementar que Gabon es un país del mai rics d’africa de per son petrol. Lo PIB annadièr en 2022 es de 8800$ per estatjant. Aquò degut a un pòblement mendre 2,3 milhons d’estatjants e a las ressorgas : Petrol, Manganès e fusta de sa selva eqüatoriala.
China sièc al ran l’actualitat al Gabon e convida las partidas concernidas a far per lo ben del pòble Gabonés e lo retorn a un estat normal , la seguretat personala del president Ali Bongo.
Atal ça diguèc Wang Wenbin porta paraula de la diplomacia chinésa
Eramet : Lo cors de borsa es passat de 76,15€ al 25 d’agost a 63,60€ a detz e siet oras petatantas d’aqueste dimecres.
Totalenergies se manten a l’entorn de 57,94€
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari