Actualitats
La junta militara de Nigèr a expulsat l’ambaissador francés
Las autoritats an anonciat lo retirament de son immunitat diplomatica, coma senhal de rompedura amb França
Tèxte legit
La junta militara que governa Nigèr dempuèi lo còp d’estat de la fin de julhet ordenèt a la fin d’agost lo fòrabandiment de l’ambaissador de França, Sylvain Itté, après l’expiracion del relambi que las autoritats li avián concedit per quitar lo país. A mai, an anonciat lo retirament de son immunitat diplomatica.
Aquela expulsion arriba après que lo president de la Republica Francesa, Emmanuel Macron, assegurèt diluns passat que París acceptariá pas l’òrdre de fòrabandiment de la junta militara, illegitima pel cap d’estat. Los militars avián establit un relambi de 48 oras a Itté per quitar lo país, coma senhal de rompedura amb França.
Lo novèl govèrn nigerin afronta la menaça d’una possibla intervencion armada de la Comunautat Economica dels Estats de l’Africa Occidentala (CEDEAO), formada de quinze païses, qu’a decidit de desplegar sas tropas per que restaurar l’òrdre constitucional. De lor caire, Mali e Burkina Faso an anonciat qu’èran dispausats a far la guèrra per defendre lo novèl executiu de Nigèr.
[ 🇳🇪 NIGER | 🇫🇷 FRANCE ]
— (Little) Think Tank (@L_ThinkTank) August 31, 2023
🔸 Les putschistes déclarent avoir retiré l’immunité diplomatique à Sylvain Itté, ambassadeur de France au Niger. Ils annoncent également que les services de police « sont instruits afin de procéder à l'expulsion » de l’ambassadeur. pic.twitter.com/japXXrejBP
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Anirem far la guerra au Niger,
la flor au fusilh;
en passant a Limotges cantarem lo "se canta".
A! non farem far la guerra per los africains ;
França a pus d'armada e l'OTAN, a perdegut totas sas fòrças dins la guerra d'Ukrana.
França a perdegut tot credit au niveu internacional.
Que damora de la polida França que portava la bona cultura dins lo monde entier?.
Que fasam -nos occitanistes o frances a totjorn sostenir la colonisacion?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari