Actualitats
Almens 77 mòrts en un desralhament de tren en Galícia
Lo tren anava de Madrid a Ferrol e l’accident s’es produsit a l’intrada de Compostèla
Lo tren, que connectava Ferrol (Galícia) e Madrid (Castelha) desralhèt en Angrois, près de Compostèla. Segon las darrièras informacions, lo nombre de mòrts es de 77 e los ferits passavan lo centenat. Tres dels vagons del tren an cremat en flamas après l’accident.
Dins lo tren viatjavan 240 personas e desralhèt en prene un contorn près de Compostèla, la capitala galèga. L’accident se passèt dimècres a 20h30. Las autoritats an fach una crida a donar de sang dins los espitals galècs.
Lo Ministèri de l’Interior espanhòl a escartat que s’agisca d’un atemptat, e mai se fòrça testimònis parlan d’una explosion just abans lo bruch de l’accident. L’explosion del motor diesèl ne poiriá èsser la causa.
Lo tren sinistrat es un Alvia mixte de la classa 730. Aquel tren concret viatjava amb alimentacion electrica mas tanben amb alimentacion diesèl per poder circular pels tròces que son pas electrificats. Per aquò tant al davant coma al darrièr del tren i a dos vagons amb de generadors diesèl e de combustible.
Segon las primièras investigacions s’agiriá d’un excès de velocitat al moment de prene lo contorn. Alavetz lo desralhament auriá pogut provocar l’explosion del depaus de combustible, çò qu’explicariá l’extrèma violéncia de l’accident.
Dins lo tren viatjavan 240 personas e desralhèt en prene un contorn près de Compostèla, la capitala galèga. L’accident se passèt dimècres a 20h30. Las autoritats an fach una crida a donar de sang dins los espitals galècs.
Lo Ministèri de l’Interior espanhòl a escartat que s’agisca d’un atemptat, e mai se fòrça testimònis parlan d’una explosion just abans lo bruch de l’accident. L’explosion del motor diesèl ne poiriá èsser la causa.
Lo tren sinistrat es un Alvia mixte de la classa 730. Aquel tren concret viatjava amb alimentacion electrica mas tanben amb alimentacion diesèl per poder circular pels tròces que son pas electrificats. Per aquò tant al davant coma al darrièr del tren i a dos vagons amb de generadors diesèl e de combustible.
Segon las primièras investigacions s’agiriá d’un excès de velocitat al moment de prene lo contorn. Alavetz lo desralhament auriá pogut provocar l’explosion del depaus de combustible, çò qu’explicariá l’extrèma violéncia de l’accident.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Gausi esperar que totas aquelas victimas malastrugas anavam pas a Sant Jacmes en pelegrinatge. Se que non, a la plaça del "creator del cèl e de la tèrra", me sauriái pas ont amagar, de tant que n'auriái granda la vergonha. Un pensar grèu e frairal per totas las victimas.
explicacion d'un expert ferroviari e acostumat de presentar las emissions scientificas de television dins l'Estat francés, d'una granda experiéncia tanben dels trens, dedins lo sistèma. Mas cal pas oblidar la fabricacion especiala per Espanha, de Talgo-Bombardier....http://www.itele.fr/monde/video/deraillement-les-precisions-de-michel-chevalet
Me dande, ai vist los imatges de l'accident en vidèo ... es pas polit. Fa pas bon de préner lo tren a l'ora d'ara. Una brava pensada per totas las victimas e per lor familha.
Ua pensada per totas las familhas.
Lo dia de la patria gallèga..quina tristessa...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari