Actualitats
Alsàcia: ensenhament public immersiu en alsacian
Lo Ministèri francés de l’Educacion s’es engatjat a crear una seccion d’ensenhament immersiu dins quatre escòlas mairalas
Tèxte legit
Lo Ministèri francés de l'Educacion s'es engatjat a crear una seccion d'ensenhament immersiu en alsacian dins quatre escòlas mairalas d'Alsàcia, çò rapòrta Diari de la Llengua. Se tracta dels primièrs estabiments publics d’aquela mena, que jonhon los 9 de l’associacion ABCM-Zweisprachigkeit. Dins aquelas nòvas escòlas, lo programa d'ensenhament serà immersiu en alemand alsacian lo 75% del temps, e lo 25% se farà en francés.
La decision del Ministèri d'Educacion es remarcabla, pr’amor que se produtz après la revocacion de l'article pertocant l'immersion de la Lei de Proteccion Patrimoniala e Promocion de las Lengas Regionalas, coneguda coma Lei Molac, pel Conselh Constitucional francés en mai de 2021; una decision que l’ÒNU a plangut en demandant d’explicas.
Ara, lo govèrn francés a emesa una circulara que reconeis l'ensenhament immersiu de las lengas autoctònas (lor dison “lengas regionalas”), çò que dobrís una draia d’esperança.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Uei, en Bascoat (de l'estat francés) que son 632 escolans qui segueishen un ensenhament immersiu en basco dens 21 escòlas (e si ne'm borri pas deu costat catalan que i a tanben l'escòla publica Arrels a Perpinhan).
Mes ne cau pas saunejar qu'ei lo resultat d'un combat de longa man.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari