Actualitats
Es mòrt Max Simeoni, un dels paires del corsisme
Dempuèi l’anóncia de sa desparicion, los omenatges afluïsson
Tèxte legit
Corsega es en dòl après la desparicion de l’un de sos mai arderoses defensors, Max Simeoni, defuntat dissabte passat, 9 de setembre a de 94 ans.
Mètge de profession, Max Simeoni consagrèt sa vida, coma son fraire Edmond, figura del nacionalisme còrs modèrne e paire de l’actual president de l’illa, a la causa de Corsega. Foguèt un actor clau dins la creacion del CEDIC (Comitat d’Estudis e de Defensa dels Interèsses de Corsega) en 1964, aital coma un dels fondadors de l’ARC en 1967. Foguèt tanplan al còr de totes los combats istorics de Corsega e foguèt legit a l’Assemblada de Corsega de 1984 a 1992 e deputat al Parlament Europèu de 1989 a 1994.
Max Simeoni èra tanben fondador e editorialista eminent del setmanier Arritti, portant sa pluma politica fins a son darrièr jorn. A mai, amb la creacion de la Fondacion Coppieters, Max Simeoni joguët un ròtle essencial dins l’internacionalizacion del combat del pòble còrs en daissant un eiretatge prigondament umanista.
Los omenatges se multiplican
Dempuèi l’anóncia de sa desparicion, los omenatges afluïsson. De soslinhar las simpatias e reconeissenças de la Liga dels Dreches de l’Òme, del Partitu di a Nazione Corsa (PNC), de Core in Fronte e de la conselhièra executiva Antonia Lucciani. A mai, la Generalitat de Catalonha e lo CIEMEN rendèron omenatge a Simeoni lo meteis dissabte dins l’encastre del 25n anniversari de la Declaracion dels Dreches Collectius dels Pòbles. De son caire, lo president de la Generalitat en exili, Carles Puigdemont, faguèt son petit omenatge a Max Simeoni suls rets socials.
Barcelona : évt commémoration 25ème anniversaire déclaration droits des peuples. Pere Aragonés, Prdt Generalitat Catalunya @Esquerra_ERC rend hommage à Max Simeoni. Avec Aureli Argemi, hommage aux pères fondateurs qui ont construit fondations solides et durables. @Partitu_FemuACpic.twitter.com/M0Be5v5aPE
— François Alfonsi (@F_Alfonsi) September 9, 2023
Ha mort Max Simeoni, un dels grans referents del nacionalisme cors. El meu condol a la seva família i a tots els companys de la seva lluita per Còrsega i per la llibertat dels pobles.
— krls.eth / Carles Puigdemont (@KRLS) September 9, 2023
Ch'ellu riposi in pace https://t.co/PGtY9wSqP5
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari