Près de 6000 migrants an desbarcat a la Lampedosa, segon la Crotz Roja. L’illa italiana entre Malta e Tunisia coneis una explosion del nombre d’arribadas aquestas setmanas, çò rapòrta Euronews.

L’illa italiana de la Lampedosa a conegut una novèla èrsa massissa d’arribadas de migrants. Près de 6000 personas an desbarcat en una sola jornada. Lo centre d’acuèlh prevenguèt dimècres passat del fach que sa capacitat riscava d’aténher un “lindal critic”.

La Crotz Roja italiana, que gerís dempuèi junh aquelas installacions previstas per mens de 400 personas, a deplorat que mai de 6000 i sián d’ara enlà albergadas. “La situacion actuala a la Lampedosa es que i a mai o mens 6000 personas dins lo centre d’acuèlh, qu’an atench l’illa sus 120 batèls diferents pendent las darrièras 24 oras. Es clar que la situacion es complèxa e la Crotz Roja italiana contunha de garentir, malgrat d’esfòrces considerables, lo forniment de servicis de basa a las personas”, çò apond Francesca Basile, pòrtaparaula de la Crotz Roja italiana.

Segon las donadas del ministèri de l’Interior, mai de 120 000 migrants son pervenguts en Itàlia per la mar dempuèi la debuta de l’annada, dos còps mai que fa un an al meteis periòde. En abril, lo govèrn dirigit per Giorgia Meloni a declarat l’estat d’urgéncia per sièis meses per tal d’afrontar aquela afluéncia.

More than 5000 migrants arrived to the Italian island of Lampedusa yesterday on 112 boats and dinghies.

A day earlier, nearly 3000 arrived.

Only 6000 Italians live on the island.

The EU's migration policy is broken and the situation is deteriorating by the day. pic.twitter.com/c9qxBINlMn

— Visegrád 24 (@visegrad24) September 13, 2023

Voilà les conséquences de la crise climatique et de l’Europe forteresse : plus de 6000 réfugiés qui vont être entassés dans un centre d’une capacité de 400 places à Lampedusa. Il faut ouvrir les frontières et régulariser tous les sans-papiers !!pic.twitter.com/fBWeehTWrU

— Irène Karalis (@polystirene_) September 14, 2023