Actualitats
“Nas” es la responsa a l’EnigmÒc d’aquesta setmana
L’escrivan aranés Xavi Gutiérrez Riu prepausa cada setmana un mot amagat dins una definicion
La responsa a l’EnigmÒc d’aquesta setmana es “nas”. “Un dels organs de Pèire Godolin que possedisses, de 3 letras: _ _ _ ”.
En memòria de Pèire Godolin, que defuntèt lo 10 de setembre de 1649, l’EnigmÒc de la setmana passada es tirat d’un poèma de son Ramelet Mondin, que se pòt comprene coma una question o un insulte e que finís aital amb un jòc de mots: «[...] n’as d’andolha!»
Avèm recebudas 23 responsas, dont 5 corrèctas, trobadas per Josep-Àngel Marín i Serral, Miquèl Pédussaut, Olivier Dinh, Pascale Delile e Patrici Pojada.
L’EnigmÒc de Jornalet
Jornalet prepausa cada dimenge un concors entitolat “L’EnigmÒc de Jornalet”. Se tracta d’un jòc lingüistic setmanièr que l’anima l’escrivan aranés Xavi Gutiérrez Riu: lo mond deuràn ensajar de devinar lo mot que s’amaga dins una definicion.
Las solucions las publicarem cada setmana. En decembre se publicarà los noms dels melhors jogaires.
Se prèga de non emplegar pas l’espaci dels comentaris per respondre als enigmas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari