Actualitats
D'organismes internacionals demandan a Hollande que ratifique lèu la Carta Europèa de las Lengas Minoritàrias
Demandan tanben una politica lingüistica que permeta una expression plena e entièra de las lengas de l'Estat francés
Lo Ret Europèu per l'Egalitat de las Lengas (REEL) demanda al president elegit François Hollande, que ratifique lèu la Carta Europèa de las Lengas Regionalas o Minoritàrias.
Lo conselh directiu del REEL s'amassèt lo 7 de mai passat a Brussèlas e decidiguèt de far un comunicat (en jonchant la coordinatriz EBLUL) que trobaretz en document jonch a aquesta nòva. Lo comunicat, al delà de felicitar lo president elegit François Hollande per la siá eleccion, li demanda que ratifique lèu la Carta Europèa de las Lengas Minoritàrias en li remembrar qu'èra dins lo sieu programa electoral.
Lo REEL demanda que l'estat francés enregue una politica lingüistica, que permeta una "expression plena e entièra de las lengas del sieu territòri, en respectant aital lo drech de totes los franceses de participar a la vida de la societat en acòrd amb los dreches umans e dins l'estat de drech".
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo President de la Republica Francesa a causit Jules Ferry e Marie Curie coma personalitats a onorar per l'investidura a la Presidéncia... Ferry es segur lo fondator de las grandas leis escolàrias de la IIIena Republica. Es aquel que rendèt l'ensenhament primari obligatòri -en francés aquò s'entend-.
L'escòla a fach son òbra per fin que lo mond oblide que Jules Ferry èra de lònga favorable a l'expansion de l'imperialisme francés, que siá dins lo colonialisme en metropòli ò dins las "colonias" ? Dins lo discors de 1885 a la Cambra dels Deputats ditz cf. http://www.assemblee-nationale.fr/histoire/ferry1885.asp : >
Per los a la memòria corta, siaguèt reprochat a Gueant sos dires sus las civilizacions en febrier de 2012...
3 meses aprèp, de veire lo novèl President, rendre de mai un omenatge a un opausant als Federats de la Comuna (cf. http://ca.wikipedia.org/wiki/Jules_Ferry), i es de que pas compréner l'eslogan de sa campanha presidenciala "Le Changement c'est maintenant".
Benlèu que calriá dire "lo cambiament es aier"... qu'auriam degut o far ? Cal gardar esper, qu'es jamai tròp tard per far avans. L'escòla es plus aquèla de 1885, benlèu per que camine, cal cambiar tantben las icònas. E per que la situacion càmbie en general, cal cambiar atot las referéncias, que las idèas de 1885 dèvon plus èsser aquelas de 2012. E se i cresem pas, e que pensam que cal que ren càmbie, la crisi es aicí per nos o mostrar.
Veirèm ben... Amb lo colonialista Juli Ferry coma referència, i sèm pas encara! Caldrà bolegar per que siague mai que papièr banhat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari