Un desacòrdi juridic opausa l'estat francés e la collectivitat territoriala còrsa a prepaus de la deliberacion votada lo 29 de junh passat per l'Assemblada de Corsega sus l’educacion en còrs, çò rapòrta Corse Matin.

Aquela deliberacion autrejava una ajuda de 2,8 milions d'èuros sus tres ans a Scola Corsa per sosténer l'aprendissatge associatiu immersiu de la lenga pròpria de l’illa. Mas, lo 31 d’agost, lo prefècte mandèt una letra ont exigissiá lo retirament d'aquela deliberacion que la considèra illegala lo representant del govèrn francés per doas rasons: Scola Corsa es una escòla del primièr gra, doncas que relèva de la competéncia exclusiva de l'estat, e, coma escòla fòra contracte, pòt pas beneficiar d'aquela subvencion segon las leis en vigor. Lo desacòrdi sembla de se basar sus d'arguments juridics puslèu que politics, segon las declaracions del secretari general encargat dels afars còrses, Alexandre Patrou.

U Prefettu di Corsica attacca una deliberazione di l'Assemblea di Corsica per una suvenzione publica à Scola Corsa.
Stu ricorsu ùn hè per una ragiò ghjuridica. Sta decisione hè pulitica, hè quella di un Statu francese ghjacubinu chì vole sempre tumbà a nostra lingua naziunale. pic.twitter.com/22RYbkKno3

— Core in Fronte (@coreinfronte) September 21, 2023