Actualitats
Grècia establís la setmana de sièis jorns obrants
La nòva reforma del trabalh permet de trabalhar per mai d’un emplegaire e fins a 13 oras per jorn
Tèxte legit
Lo parlament grèc aprovèt dijòus passat una controversiada reforma del trabalh impulsada pel govèrn conservator, qu’espandís la setmana de trabalh a sièis jorns e permet de superar las quaranta oras per setmana. La lei permet als trabalhadors d’aver mai d’un emplegaire, dont un principal de uèch oras per jorn e un segondari de fins a cinc oras. A mai, s’instituís d’emplegats “de gàrdia” amb d’oraris irregulars.
La reforma establís qu’aquò se pot passar “en de condicions excepcionalas”. Qualques sectors especifics pòdon impausar un seisen jorn obrant per semana amb una compensacion addicionala del 40%. Totun, los sindicats e l’oposicion an manifestat lor chepic d’una possibla normalizacion de la setmana de sièis jorns e de l’introduccion de contractes per "trabalhadors de gàrdia" amb d’oraris irregulars.
Lo jorn de l’aprobacion de la reforma, i aguèt una cauma de 24 oras fòrça vasta seguida mai que mai dins los transpòrts, l’educacion e la santat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Euròpa deu capitau qu'ei ua catastròfa taus pòbles.
Non desbrómbim pas la crisa grèga deu 2009 e la sosmission deu pòble grèc a la troïka. Uei lo dia, lo deute grèc qu'ei enqüèra mei gran com en 2009!!! https://en.wikipedia.org/wiki/Greek_government-debt_crisis#/media/File:Greek_debt_and_EU_average_since_1977.png
Pel sistèmi capitalista (valent a dire consumerista e productivista, e que siá privat, comma en Occident - o d'estat, coma dins los païses comunistas, ancians o actuals), un trebalhaire non trebalha pas jamai pro, non produtz jamai ni pro ni pro plan, e còsta tostemps tròp car. Lo trebalhaire idéal ? L'esclau !… Lo salari ? Lo foet… Aquí l'amira, aquí l'objectiu final.
O nos daissam tondre, e nos tondràn ; o lutam, e aqueste objetiu recuolarà un pauqueton, per un temps, per un temps sonque. S'agís sempre d'un rapòrt de fòrça.
L'error, quand ganham un pauqueton mai de respècte, es d'imaginar qu'o ganham per sempre. Res non es pas ni mai fals qu'aiçò ni mai illusòri. Aquí ne la pròva, clara e simpla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari