Actualitats
Macron en Corsega prepausa una autonomia dins la Republica francesa
Sens gaire de detalhs, la proposicion sembla d’èsser sonque un simple transferiment de competéncias
Tèxte legit
Lo president francés, Emmanuel Macron, efectuèt ièr dijòus una vesita en Corsega, dins la quala s’adreicèt a l'Assemblada de Corsega. Dins son parladís, se declarèt en favor de bastir una autonomia per Corsega dins la Republica Francesa.
Macron soslinhèt qu'aquela autonomia significariá pas un desengatjament de l'estat francés, mas que seriá un mejan de bastir ensems l'avenidor de l'illa. Insistiguèt sul fach que s'agiriá pas d'una autonomia contra l'estat ni d'una autonomia sens l'estat, mas d'una autonomia per Corsega e dins la Republica.
Lo president francés se mostrèt tanplan favorable a permetre a Corsega de legiferir dins certans domenis especifics e definits, malgrat que son eventuala capacitat normativa siá contrarotlada pels Conselh d'Estat e Conselh Constitucional.
Sul plan practic, Macron donèt un relambi de sièis meses al govèrn e als dirigents còrses per arribar a un "tèxt constitucional e organic" que seriá somés a lor acòrdi. Aquel tèxt serviriá de basa a una "revision constitucionala" ulteriora. Macron remarquèt l'importància de preservar l'identitat de Corsega mas dins los limits de la Republica.
En mai d’aquò, en respondent a una demanda istorica dels corsistas, Macron exprimiguèt son sosten a la reconeissença constitucionala de las especificitats de la comunautat insulara còrsa per un article diferent que metèsse endavant sos caractèrs istoric, lingüistic e cultural.
Ça que la, lo discors de Macron respond pas a las tres demandas fondamentalas dels còrses: la reconeissença de la lenga còrsa coma l’egala del francés, l’amnestia pels presonièrs politics, un estatut especial de residéncia per que Corsega pòsca frenar la crompa d'ostals pels estrangièrs qu’i venon sonque passar l'estiu.
Emmanuel Macron en #Corse : le point sur les chantiers en cours après son discours à @IsulaCorsica. #autonomiehttps://t.co/jyWDlhdZvRpic.twitter.com/dcXmngtFfO
— France 3 Corse (@FTViaStella) September 28, 2023
Macron propose une "autonomie à la Corse" https://t.co/QbB1R6TCJ2
— Corse Net Infos (@corsenetinfos) September 28, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Macron en Corsega prepausa una autonomia dins la Republica francesa ? Parlicalha, ni res mai. Macron prepausa l'aiga sèca. La sabètz, vosautres ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari