Sant Julian d’Ovesa (Bas Vivarés) aculhís dempuèi lo 1r de junh un gabinet dentari itinerant pionièr en Occitània. Ocupa un contenedor de 16 m² e respond a una demanda cruciala dins aquela zòna rurala que patís una penúria de dentistas. Mai de 1500 pacients an pogut enfin recebre de suènhs, en metent en lum l'urgéncia d'una preséncia medicala dins aquel parçan, çò rapòrta France 3.

Coma la sala d’espèra es a l’exterior, lo gabinet a portat tanplan de repercussions positivas pels comèrcis locals. Ara, lo GreenCab dentari demorà en aquel polit vilatge del Bas Vivarés fins a la mitat de decembre. Puèi, contunharà sa rota devèrs Cantal, qu’es una autra zòna medicala desfavorizada.

Lo GreenCab dentari es dobèrt del diluns al divendres de 8h30 a miègjorn e de 13h a 17h. La presa de rendètz-vos se pòt far per e-mail a contact@cesdaura.fr o per telefòn al +337 56 22 97 34.

Aquela iniciativa innovanta cridada a se desvolopar es sostenguda per l'Union Regionala dels Professionals de Santat, e finançada en partida per la region nomenada Auvèrnhe-Ròse-Alps.

🦷 Un cabinet dentaire tout équipé dans un container, cela semble fou ? Greencab l'a fait ! Nous avons suivi Laurence Fautra sur le terrain, en Ardèche, à la découverte de cette #InnovationMédicale offrant des soins dentaires aux habitants des zones sous-dotées.#Santé#Médecinpic.twitter.com/AYUF5xqnZh

— Auvergne-Rhône-Alpes (@auvergnerhalpes) September 28, 2023