Amb l'arribada imminenta dels Jòcs Olimpics de 2024, París se centra sus un problèma inesperat: las infestacions de címecs. De vidèos virals suls rets socials mòstran aqueles insèctes de lièch en de luòcs coma lo mètro, los autobuses e los cinèmas, çò que genèra un grand chepic dins l’encastre de l’afluéncia massissa de toristas, çò rapòrta The Washington Post.

Las autoritats localas demandan en urgéncia un plan d'accion abans los Jòcs, e quitament lo ministre francés dels transpòrts, Clément Beaune, s'es engatjat a tractar l’afar.

E mai las címecs transmetan pas de malautiás amb lors picaduras, aqueles insèctes provòcan un fòrt impacte psicologic e economic, e venon una menaça pel prestigi dels Jòcs Olimpics de París.

Segon un sondatge recent de l’agéncia sanitària francesa ANSES, aperaquí un domicili sus dètz de l’estat francés a patit de címecs entre 2017 e 2022, e aquela chifra es en aument a causa dels viatges e de la resisténcia als pesticidas.

#punaisesdelit | Je réunirai la semaine prochaine les opérateurs de transport, pour informer sur les actions engagées et agir davantage au service des voyageurs. Pour rassurer et protéger.

— Clement Beaune (@CBeaune) September 29, 2023