Actualitats
La Passem se tendrà del 30 d’abril al 5 de mai de 2024, e percorrerà 1100 quilomètres
Dins sa tresena edicion, la corsa per la lenga percorrerà Bigòrra, Comenge, Armanhac, Bearn e las Lanas
Tèxte legit
Torna La Passem, la corsa per la transmission de la lenga occitana ara amb un percors de 1100 km en 6 jorns e 5 nuèches entre Tarba e lo Mont de Marsan. L’edicion 2024 se tendrà del 30 d’abril al 5 de mai, çò presentava la còla de Ligams dimars passat dins una conferéncia de premsa.
L'organizacion d’aquela corsa per la lenga es possibla gràcias a l'esfòrç de mai de 200 benevòls e de divèrsas comissions. L’eveniment a una tièra d’activitats prèvias e implica la venda de quilomètres per amassar de fonzes.
La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa e emplena d’animacions. La primièra edicion de La Passem aguèt luòc amb grand succès en 2018 e arribèt d’amassar 48 000 èuros que financèron uèch projèctes per la lenga occitana, abans que la segonda corsa collectèsse 67 000 èuros. Tot aquel argent s’es despartit entre divèrses projèctes en favor de l’occitan.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari