Lo Ministèri de la Cultura francés, en seguissent d'instruccions del Ministèri dels Afars Estrangièrs, decidiguèt per mièg setembre de suspendre tota cooperacion culturala amb Mali, Nigèr e Burkina Faso. La decision a indignat lo mond de la cultura de França, segon Le Monde.

Un corrièr de las Direccions Generalas dels Afars Culturals (DRAC) demandava que cessèsse sul pic tot projècte de cooperacion amb los artistas d’aqueles tres estats africans. Aquò compren la suspension immediata de totes los projèctes de cooperacion amb aqueles païses e la proïbicion d'emetre de visats per lors ciutadans.

La decision a generat una fòrta polemica, amb d’acusacions de violacion de la libertat artistica e de rompedura amb la tradicion d'aculhença francesa d'artistas e intellectuals. L'accion es vista coma una escòrna a la cultura e als artistas dels païses afectats. Aquel boicòt cultural s'apond als autres camps de conflicte entre França e aquelas tres ancianas colònias, dont de tensions politicas, diplomaticas, militaras e socialas.