Un òme a assassinat amb un cotèl un ensenhaire d’un licèu e a nafrat un autre ensenhaire e un gàrdia de seguretat que se tròba dins un estat grèu. L'atac s'es passat aqueste divendres a Arràs, dins lo nòrd de França.

L’atacaire es detengut. S’agís d’un jove d’origina chechèna, un ancian escolan del licèu fichat per radicalizacion segon la polícia. Portava pas cap de senhal religiós mas segon qualques testimònis, cridava “Dieu es grand” en arabi. La polícia a tanben arrestat son fraire màger.

Lo president francés, Emmanuel Macron, e lo ministre de l’educacion, Gabriel Attal, se son gandits sus plaça. La primièra ministra, Elisabeth Borne, de son costat, a cancelat un desplaçament a Orleans per tornar a París. L’Assemblada Nacionala francesas a declarat suspendre sos trabalhs en solidaritat amb las victimas.

Lo crime arriba après que l'estat francés aja enebit las manifestacions pròpalestinianas e dins l'anniversari de l'assassinat de l'ensenhaire Samuel Paty, decapitat un divendres d'octòbre d'arunan a Conflans-Sainte-Honorine, a una trentena de quilomètres al nòrd-oèst de París. L’agressor èra tanben d’origina chechèna, la polícia lo tuèt per bala dins la vila vesina d’Eragny.

#Arras Martin Doussau, professeur de philo au lycée Gambetta, a été confronté à l’agresseur. Voici son témoignage : pic.twitter.com/2VcrW9tNtA

— Florian 🇪🇺 (@BrassartFlo) October 13, 2023

Une opération de police a eu lieu au lycée Gambetta à Arras. L’auteur des faits a été interpellé par la police.

— Gérald DARMANIN (@GDarmanin) October 13, 2023